धरान : हिसान स्पोर्टस् मिटअन्तर्गत विभिन्न खेलमा विजेता बनेका आप्mना विद्यार्थीहरूलाई मेघा हिमालयन कलेजले आइतबार सम्मान गरेको छ ।
उपाधि जित्न सफल विद्यार्थीहरूलाई कलेजका प्रिन्सिपल भाष्कर पौड्याल, एकेडेमिक डाइरेक्टर तथा बास्केटबल संयोजक अर्जुन घिमिरे, व्यवस्थापन सङ्काय संयोजक चन्द्र वनेमलगायतले खदा र अबिर लगाइदिएर सम्मान गरेका थिए । विद्यार्थीहरूलाई हौसला प्रदान गर्न उनीहरूलाई सम्मान गरिएको प्रिन्सिपल पौड्यालले बताए । विद्यार्थीहरूको मेहनत र परिश्रमलाई कदर गर्न उनीहरूलाई सम्मान गरिएको बास्केटबल संयोजक घिमिरेको भनाइ छ ।
मेघा हिमालयनकै कोर्टमा शनिबार सम्पन्न बास्केटबलको फाइनल खेलमा पुरुषतर्पm मेघा हिमालयनले एम्स एकेडेमीलाई ४५–३४ र महिलातर्पm धरान उच्चले मेघालाई २१–११ अङ्कले पराजित गर्दै उपाधि हात पारेका हुन् । पुरुषतर्पm फाइनल खेलको प्रत्येक क्वार्टरमा मेघा र एम्सले १३–९, १०–१२, १३–१० र ९–३ अङ्क जोडेका थिए । यसैगरी महिलातर्पm धरान उच्च र मेघा हिमालयनले ६–२, २–६, ९–१ र ४–२ अङ्क जोडेका थिए ।
प्रतियोगिताका म्यान अफ द म्याच पुरुषतर्पm मेघाका सविन राई र महिलातर्पm धरान उच्चकी सविना राई घोषित भएका थिए । मोस्ट इमर्जिङ प्लेयरमा पुरुषतर्पm एम्सका सितम लिम्बू र महिलातर्पm मेघा हिमालयनका सम्झना राई घोषित भएका थिए । हाई स्कोररमा पुरुषतर्पm धरान आदर्शका सौगात मल्ल र महिलातर्फ धरान उच्चका सन्ध्या राई घोषित भए । प्रतियोगिताका मोस्ट भ्यालुएबल प्लेयर पुरुषतर्पm मेघा हिमालयनका योगेश राई र महिलातर्फ धरान उच्चका सन्ध्या राई घोषित भए ।
हिसान सुनसरीको आयोजनामा भइरहेको स्पोर्टस् मिटअन्तर्गत टेबलटेनिसको उपाधि पनि मेघा हिमालयनका सिद्धार्थ तामाङले हात पारेका छन् । यस्तै, ब्याडमिन्टनमा भने मेघा हिमालयनका छात्र योदेश राई फस्र्ट रनर अप भएका छन् ।