कानेपोखरी बजारमा बिजुलि बत्तीको व्यवस्थापन नहुदा व्यापारीहरु समस्यामा

मोरङ / कानेपोखरी गाउँपालिकामा रहेको मुख्य बजारको रुपमा चिनिने रमाइलो बजारमा बत्तीको उचित व्यवस्थापन नहुदा ब्यापारीहरुले निकै लामो समयदेखि समस्या भोगिरहेका छन ।

कानेपोखरी गाउँपालिकाले बत्तीको व्यवस्थापन नगर्दा व्यापारीहरु समस्यामा परेको बताउछन । कानेपोखरीको सबै भन्दा पुरानो बजार भनेर पनि चिनिन्छ रमाइलो बजार  अझै पनि व्यव्स्थित हुन  सकेको छैन। बिगत लामो समय देखि रमाइलो बजारमा व्यापारीहरु व्यापार गर्दै आइरहेको छन ।

ब्यापारीहरुले प्रत्येक बर्ष बजार समितीलाई पैसा तिरेपनि पैसा तिरेको सेवा सुबिधा नपाएको ब्यापारीहरुको गुनासो रहेको छ।रमाइलो बजारमा बत्ती नहुदा ब्यापारीहरुले दिनभरि जसोतसो ब्यापार गरेपनि साझ परेपछि सामान थनकाउन निकै कष्ट हुने गरेको बताउछन । अध्यारोमा दिनभरि फिजाएको सामान बढुलदा कता मिसिने कति हराउने समेत गर्छ ।

हरेक दिन अन्धकारमा मोबाइलको बत्ती बालेर सामानहरु थनकाउने उनिहरुको बाध्यतामा रहेको छ । ब्यापारी भन्छन गाउँपालिकाले सडकोपोल र बजार क्षेत्र भित्र बत्तीको व्यवस्थापन गर्दिए ब्यापार गर्ने सहज हुने ब्यापारीहरु को भनाइ छ । बजार क्षेत्र भित्र जताभावि छरिएको फोहोरले बजारमा झनै दुर्गन्धित भएको ब्यापारीहरुको गुनासो रहेको छ ।

बजार क्षेत्रमा जतासुकै पानी जम्ने खाल्डा खुल्डी र बजार क्षेत्रमा टुवालेटको समेत व्यवस्थापन नभएको ब्यापारीहरुको गुनासो रहेको छ । कानेपोखरी गाउँपालिकाले फोहोर व्यवस्थापन, सार्वजनिक शौचालय, खानेपानीको व्यवस्थापन, बजार क्षेत्रमा बत्ती जडान गर्दिन ब्यापारीहरुले माग गरेका छन ।