धरान । किरात राई साँस्कृतिक कलाकार संघले पहिचानको मुद्दालाई साँस्कृतिक आन्दोलनसँग जोडर राष्ट्रिय अधिवेशन गर्ने भएको छ । अधिवेशन जेष्ठ १३ गतेदेखि १५ गतेसम्म सञ्चालन हुने भएको छ । किरात राई साँस्कृतिक कलाकार संघले बुधबार पत्रकार सम्मेलनको आयोजना गरी अधिवेशनबारे जानकारी दिएको हो ।
किरात राई साँस्कृतिक कलाकार संघका उपाध्यक्ष शालिक सतासक राईले कला र सँस्कृति तथा संगीतमार्फत प्रदेश सरकारलाई कोशी नामाकरणको खारेजीको माग गर्ने बताए ।
उनले भने–‘हामीले यो अधिवेशन पहिचानको लडाइका रुपमा लिएका र्छौं, सम्मेलन प्रचारप्रसारको क्रममा जेष्ठ ११ गतेदेखि १४ गतेसम्म इटहरी उपमहानगरपालिका १० वटा चौकहरुमा पहिचानसम्बन्धी सचेतनामूलक साँगेतिक कार्यक्रम गर्ने छौं ।’
अधिवेशनमा देश तथा विदेशबाट समेत सहभागिता हुने आयोजकले जनाएको छ ।