विराटनगर / विराटनगर महानगरपालिकाका मेयर नागेश कोइरालाले विद्यालय तहदेखि नै व्यवहारिक र सीपमूलक शिक्षा दिनुपर्नेमा जोड दिएका छन ।
विराटनगर–१९ स्थित युमी स्कुलको अभिभावक दिवस कार्यक्रमा सम्बोधन गर्दै मेयर कोइरालाले व्यवहारिक र सैद्धान्तिक शिक्षाले मात्रै उत्पादित जनशक्ति श्रमबजारमा सहजै बिक्री हुने बताएका छन ।उनले विद्यार्थीको चाहाना रुचि अनुसारको व्यवहारिक शिक्षा प्रधान गरेर दिक्षित जनशक्ति उत्पादन गर्न सके स्वदेशमा पनि धेरै रोजगारी पाउने अवस्था रहेको बताए ।
कोईरालाले “विदेश नै जाँदा पनि उच्चस्तरको तलब पाउने र त्यसले देशलाई नै फाइदा पुग्ने बताए ।अबको समय प्रविधिको भएकाले विद्यालय तहदेखि नै कम्प्युटर शिक्षालाई जोड दिनुपर्ने उनको भनाइ रहेको छ ।
“यदि आइटीमा राम्रो ज्ञान छ भने घरमै बसीबसी पनि विदेशको काम गरेर राम्रो पैसा कमाउने अवस्था छ ।”शिक्षा क्षेत्रमा आमूल परिवर्तन नभएसम्म मुलुकको विकासले गति लिन नसक्ने विकासको पहिलो आधार शिक्षा भएकाले मुलुकको समग्र विकासका लागि शिक्षाको गुणस्तरमा वृद्धि गर्नु आवश्यक रहेको कोइरालाले औंल्याएका छन ।
सामुदायिक र संस्थागत विद्यालयको गुणस्तर एउटै बनाउन ुपर्नेमा समेत जोड दिएका छन । कार्यक्रममा विद्यालयका सञ्चालक शरण राईले विद्यालयले प्रविधि र सीपमूलक शिक्षालाई उच्च प्राथमिकतामा राखेर अध्ययन अध्यापन गराइरहेको बताएका छन ।
