फोहोर व्यवस्थापनका लागि समिति गठन

  • माघ ९, २०७९
  • कोशीपत्र/संवाददाता
alt

मोरङ / विराटनगर महानगरपालिकाले अस्पतालबाट निस्कने संक्रमित फोहोरको दीर्घकालीन व्यवस्थापनका लागि अध्ययन गर्न समिति गठन गरेको छ ।

समितिमा प्रदेश सरकारको स्वास्थ्य मन्त्रालयका स्वास्थ्य अधिकृत, विराटनगर महानगरपालिकाको सरसफाई व्यवस्थापन शाखा प्रमुख पुनम दाहाल, सरकारी अस्पताल, निजी अस्पताल (अफिन), नोवेल, विराट मेडिकल, पोलिक्लिनिक, ल्याब, फोहोर व्यवस्थापन साझेदार संस्था र फार्मेसीका एक–एक प्रतिनिधि सदस्य रहने गरी समिति गठन गरिएको छ ।

सो समितिले जमिन, प्रविधि, फोहोरको मात्रा, सञ्चालन व्यवस्थापनलगायतका विषयमा अध्ययन गरी माघ मसान्तभित्र प्रतिवेदन बुझाउनुपर्नेछ । प्रतिवेदन कार्यान्वयनका लागि महानगरले सबै किसिमको सहयोग गर्ने मेयर नागेश कोइरालाले प्रतिबद्धता जनाए ।

निजी अस्पतालहरूले बुझाउने कर आउने क्रममा रहेको राजस्व महाशाखा प्रमुख सरोज गौतमले जानकारी दिए । उनले अनुगमनमा जाँदासमेत अस्पतालहरूले सहजीकरण गरेर सहयोग गरेको बताए । छलफलमा महानगरभित्र सञ्चालित सबै अस्पताल परिसरभन्दा बाहिर पनि सफा राख्न र पर्खालहरूमा रंगरोगन गर्न अस्पताल सञ्चालक सहमत भएका छन् ।

यसैगरी अस्पतालहरूले महानगरलाई बुझाउनुपर्ने सबै प्रकारका स्थानीय कर नियमित बुझाउन तयार रहेको अफिनका अध्यक्ष डा. शंकरप्रसाद अधिकारीले बताए । डा. अधिकारीले महानगरको समग्र विकासमा निजी अस्पतालहरूको सधैं साथ र सहयोग रहने प्रतिबद्धता जनाए ।

फोहोर व्यवस्थापनका लागि महानगरको स्वास्थ्य महाशाखा प्रमुख हैदर अलीको संयोजकत्वमा ११ सदस्यीय समिति गठन गरिएको प्रमुख प्रशासकीय अधिकृत विष्णुप्रसाद कोइरालाले जानकारी दिए ।

एम्समा सांस्कृतिक का ...

धरान/धरानस्थित एम्स एकेडेमीमा पाँचौँ ‘एम्स कल्चरल ...

किसान कृषि यान्त्रि ...

खोटाङ / (रासस) प्रधानमन्त्री कृषि आधुनिकीकरण परियो ...

मेयर कोइराला र अमेरि ...

मोरङ / नेपालका लागि अमेरिकाका राजदूत डिन आर थोम्सनले वि ...

सामुदायिक विद्यालय ...

धरान–१६ मा ४९ वर्षअघि स्थापना भएको पञ्चायत आधारभू ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: गोबिन्द बस्नेत / प्रबन्ध निर्देशक: योगेशबाबु काफ्ले

Copyright © 2019 / 2023 - Koshipatra.com All rights reserved