_1693980289.gif "#")
दुहबी / सुनसरीको दुहबीमा विद्युतीय गाडीको डिलरको उद्घाटन गरिएको छ ।
नगरपालिकाको ३ नं वडाको कोशी राजमार्ग छेउमा इलेक्ट्रीक सवारी साधनको मुख्य डिलर उदाटन भएको हो । डिलरको उद्घाटन शनिवार दुहबी नगर प्रमुख बेद गच्छादारले गरेका छन्
नगर प्रमुख गच्छादारले बातावरणीय प्रदुषण नियन्त्रण गर्न र महंगो तेल प्रयोग गर्ने बाध्यताबाट सर्वसाधारणलाई राहत मिल्ने बताए । उनले यस्ता सवारीहरु लामो दूरिमा जाँदा चार्जिङ्गको समस्या हुने हुँदा ठाउँ ठाउँमा चार्जिङ सेन्टर समेत हुन आवस्यक रहेको बताए ।
चाइनादेखि आयात गरी पूर्वाञ्चलकै मुख्य आयातकर्ता टीएम मोटर्स कम्पनिले दुहबी मै प्रधान कार्यालय स्थापना गरी बिधिवत रुपमा बिद्युतिय गाडिहरुको बिक्री शुरु गरेको छ । बिक्रि केन्द्रमा हाल ४ प्रकारका गाडीहरु उपलब्ध रहेको टीएम मोटर्सका संचालक सञ्जय रौनियारले बताए । रिचार्जएबल स्कुटर,सिटी सफारी, साइकल र बाइकहरु हाल बिक्रिमा रहेका छन् ।
कम्तिमा ५,६ घन्टा चार्ज गर्नुपर्ने उक्त ब्याट्रिको ९ महिनाको वारेन्टी रहेको छ भने ८० देखि सय किमी स्पिड रेन्ज रहेका छ्न् । न्युनतम ६५ हजार देखि १ लाख पचास हजार र दुई लाख सम्ममा स्कुटर र साइकलहरु डिलरमा रहेको सञ्चालक रौनियारले बताए ।
