देशभक्त विकसित देश ,समृद्ध नेपाल खोज्छ
मान्छे आफ्नै देशमा यसरी पनि काल खोज्छ ।।
यो सरकार चोर्न लुट्न जताततै प्वाल खोज्छ
देश सिमामा मेची महाकाली पर्खाल खोज्छ ।।
यो ज्यानलाई उसको खोज यस्तो छ महोदय
जस्तो बिरामी हुँदा मान्छे अस्पताल खोज्छ ।।
यी आँखाहरू को भाषा कसले बुझ्ने खै यहाँ
जवाफ नआउँदापनि कहिल्यै सवाल खोज्छ ।।
फाइदामा एकछिन मिले भन्दैमा भ्रममा नपरौँ
पछि गौले गौकै ,बाख्राले बाख्राकै बगाल खोज्छ ।।
