_1693980289.gif "#")
धनकुटा/ अलैची खेतिबाट आत्मनिर्भरबन्दै गएका धनकुटाका कृषकहरु इस बर्ष भने अलैचीको भाउ बृद्धि हुदासमेत कृषक हर्षित छैनन् ।
मूल्य बृद्धि भएपनि उत्पादनमा ह्रास आएको उनीहरुको भनाई छ ।
यस बर्ष अलैचीको भाउ प्रतिमन ६० देखि ७० हजारसम्म पुगेको छ ।
विगतका बर्षहरुमा प्रतिमन १० हजारले पनि विक्री हुन मुस्किल अलैचीले यस पटक भाउ पाए पनि लामो समय परेको खडेरीका कारण उत्पादन घटेको कृषकहरु बताउँछन् ।
महालक्ष्मी नगरपालिका चानुवाका कृषक महेन्द्र पौडेलका अनुसार यस बर्ष अलैचीले मेहनत गरे अनुसारको मूल्य पाएको बताए ।
करिब २ विगाह क्षेत्रमा अलैची लगाएका उनले उत्पादनमा भने ह्रास आएको बताए ।
उनले भने–‘अलैची धेरै फलेको बर्ष अलैचीले मूल्य पाउदैन, जुन बेला मूल्य उच्च हुन्छ उत्पादन कम हुन्छ, जसो गरे पनि कृषकलाई मार पर्ने गरेको छ ।’
यस्तै भनाई सोही ठाउँका कृषक राम चापागाईको रहेको छ ।
विगतको बर्षहरुमा अलैचीको मूल्य न्यून भएको र विक्री पनि नभएपछि थोरैमात्र अलैची लगाएका थिए ।
करिब १ विगाहा जमिनका लगाइएको अलैचीले उत्पादन धेरै नदिएको उनको भनाई छ ।
लामो समयसम्म परेको खडेरीका कारण पनि उत्पादन कम भएको उनी बताउँछन् ।
उनले भने–‘अलैचीले मूल्य राम्रो पाएको छ, तर उत्पादन भने कम छ, सोचेजस्तो आम्दानी भने गर्न सकिएन ।’
धनकुटाका ग्रामीण क्षेत्रका अधिकांश कृषकहरुले बर्षौदेखि अलैची खेति गर्दै आइरहेका छन् ।
