स्कुटर दुर्घटनामा परि १ को मृत्यु

पाँचथर / पाँचथरको फिदिम नगरपालिका वडा नम्बर – ११ फेवादिनमा स्कुटर दुर्घटना हुदा १ जनाको मृत्यु भएको छ । शनिबिार बिहान करिब ७: ३० बजेको समयमा नागिनबाट फिदिमतर्फ जादैगरेको प्रदेश १– ०३– ००१ प ५२७१ नम्बरको स्कुटर अचान अनियन्त्रित भई दुर्घटना हुदा स्थनीय ७० बर्षीय हेम कुमार कार्की र उनकी श्रीमती ६५ बर्षीय माया देवी कार्की घाईते भएका थिए।

घाईते उनीहरुलाई उपचारको लागी जिल्ला अस्पताल पाँचथर लगिएको थियो । उपचारको क्रममा माया देवी कार्कीको मृत्यु भएको जिल्ला प्रहरी कार्यालय पाचँथरले बताएको छ ।