धरान । जन्म दिनको अवसर पारेर मजदुर नेता लक्ष्मी बानियाले कोशी प्रदेशकै एक मात्र विद्यालय पूर्वाञ्चल ज्ञान चक्षु विद्यालयका विद्यार्थीहरुलाइ खाना खुवाउनुका साथै ५० वटा कुर्सी सहयोग गरेका छन् ।
जन्म दिनको अवसर पारेर उनले विद्यालयका प्राध्यानाक्यापक प्रमोद भट्राईलाइ कुर्सी हस्तान्तरण गरेका हुन भने विद्यालयमा अध्ययनरत ७० जना बालबालिकालाई विहानको खाना खुवाएका हुन् ।
कोशी प्रदेशकै एक मात्र विद्यालय ज्ञानचक्षु विद्यालयमा फरक क्षमता भएका विद्यार्थी अध्ययनरत गर्ने गरेको र आर्थिक विपन्नता भएका बालबालिकाहरु भएकाले पनिे जन्मदिनको अवसर पारेर विद्यार्थीहरुसँगै जन्म दिन मनाएको उनले बताए ।
उनले पहिलादेखि नै जन्म दिनको अवसर पारेर यहाँका विद्यार्थीसँग जन्म दिन मनाउने इच्छा भएको पनि यस बर्षको जन्म दिन भने जुरेको बताए ।
विगतमा पनि केही न केही सहयोग पु¥याउँदै आएका उनले मानवीय सहयोगका लागि पनि यस बर्षको जन्मदिन ज्ञानचक्षु विद्यालयका विद्यार्थीसँग मनाएको बताए ।
यता विद्यालयका प्रिन्सिपल प्रमोद भण्डारीले समाजसेवी बानियाले गरेको सहयोगले विद्यालयलाई धेरै राहत मिलेको बताए । उनले सरकारी स्रोत न्यून रहेको र दाता र सहयोगी हातबाट विद्यालय सञ्चालन हुदै आएको बताए । उनले भने– ‘नेपाल सरकारबाट २२ वटा दरबन्दी दिएको, १२ वटा दरबन्दी नेपाल सरकार शिक्षा विभाग विशेष शिक्षा परिषदबाट शिक्षकबालागि स्वीकृत रहेका छन् भने १० वटा दरबन्दी भने कर्मचारीका लागि भएको बताए ।
यो विद्यालयमा एक जना विद्यार्थी बराबर ४ हजार नेपाल सरकारको आवसीय छात्रवृत्तिबाट उपलब्ध हुने, यो बर्षको १० महिनाको आउने गर्छ, एकजनाको बर्षका ४० हजार रुपैया आउने गर्छ यो ४० हजार रुपैयाले नै सम्पूर्ण कुराको व्यवस्था गर्दै आएका छौ ।’
यसबाहेक दाताहरुले दिएको रकम, चन्दालाइ अक्षयकोषामा राखेको अक्षय कोषबाट आएको व्याज विद्यालयकै कामका लागि प्रयोग गरिने प्रिन्सिपल भण्डारीले जानकारी दिए । यही रकमबाट विद्यालयको शैक्षिक, भौतिक संरचना लगायतका विषयमा खर्च गर्ने र खर्च गर्दा पनि विद्यालय व्यवस्थापन समितिको बैठकबाट पारित भएपछि मात्र गर्ने गरिएको उनले बताए ।
