धरानलाई जनस्वास्थयको आपत्तकालिन अवस्था घोषणा गर्ने तयारी

धरान/ धरानमा तीब्र रुपमा डेंगु संक्रमण फैलिएको छ । कोशी प्रदेशभरि नै धरान डेंगुको हटस्पोट भएको छ ।

प्रत्येक दिन डेंगु संक्रणका विरामी बढेका बढ्यै छैन् ।

यसैलाई मध्यनजर गरी जिल्ला प्रशासन कार्यालय सुनसरीमा भएको सर्वपक्षीय निर्णय अनुसार धरानलाई ’जनस्वास्थ्यको आपतकालीन अवस्था’ (पब्लिक हेल्थ एमर्जेन्सी) घोषणा गर्ने जिल्ला प्रशासन कार्यालय सुनसरीले तयारी गरेको छ ।

स्वास्थ्य कार्यालय, सुनसरीले जिल्ला विपद व्यवस्थापन समिति सुनसरीलाई अनुरोध गर्ने साउन १९ को निर्णयअनुसार प्रतिकार्य टोली (आरटीआर) को बैठकबाट अनुरोध भएको साथै साउन २१ गते बसेको जिल्ला सुरक्षा समितिको बैठकले समेत निर्णय गरेकाले धरान उपमहानगरपालिकालाई डेङ्गी संक्रमण नियन्त्रणमा नआउन्जेलसम्मलाई

’जनस्वास्थ्यको आपतकालीन अवस्था’ घोषणा गर्न गृह मन्त्रालय तथा आन्तरिक मामिला तथा कानून मन्त्रालय, कोशी प्रदेशलाई अनुरोध गर्ने निर्णय गरेको जिल्ला प्रशासन कार्यालय सुनसरीकी प्रजिअ हुमकला पाण्डेले जानकारी दिइन् ।

शुक्रबार पाण्डेको अध्यक्षतामा बसेको जिल्ला विपद व्यवस्थापन समितिको बैठकले यस्तो निर्णय गरेको हो ।

डेङ्गी रोगको संक्रमणले सुनसरी जिल्लाका १२ स्थानीय तहहहरुमा ८ हजार ४ सय ९२ जनामा सङ्क्रमण देखिएको र ९ जनाको मृत्यु भएको तथ्यांक छ ।