विराटनगर / विराटनगर महानगरपालिकाले रानी र वैजनाथपुर अस्पतालमा चिकित्सकको सल्लाह अनुसार डेंगुको निःशुल्क परीक्षणको व्यवस्था मिलाएको छ । महानगर अन्तर्गतको उक्त अस्पतालमा डेंगु रोगको चेकजाँच निःशुल्क परीक्षण व्यवस्था मिलाइएको हो । स्वास्थ्य महाशाखा प्रमुख हैदर अलीले जानकारी दिएकाम छन ।
सुनसरीको धरान लगायतका केही स्थानमा डेंगुको संक्रमण फैलिएपछि महानगरले समेत सयमा नै डेङगु बाट बचन पुर्व तयारीलाई समेत व्यापक बनाएको छ । यसअघि महानगरको समन्वयमा बसेको सरोकारवालाहरुको बैठकले विराटनगर क्षेत्र भित्र सञ्चालित सम्पूर्ण स्वास्थ्य संस्थाहरुले डेंगु रोगको किटबाट परीक्षण गर्दा ६ सयभन्दा बढी शुल्क लिन नपाउने निर्णय समेत अगावै गरेको छ ।
डेंगुको परीक्षण गर्दा निजी स्वास्थ्य संस्था र अस्पतालहरुले १८ सय रुपैयाँ सम्म शुल्क लिने गरेको गुनासो आएको थियो । “महानगरसित भएको स्रोत साधनबाट महानगरवासीलाई अधिकतम् सेवा दिने हाम्रो उद्देश्य रहेको छ,” मेयर नागेश कोइरालाले भने, “तत्कालका लागि महानगरपालिका मातहत भित्ररहेका रानी अस्पताल र वैजनाथपुर अस्पतालमा डेंगुको निःशुल्क परीक्षण गर्ने व्यवस्था मिलाएका छौं ।”
महानगरले प्रत्येक शुक्रबार डेंगु खोज र नष्ट गर्ने अभियान समेत निरन्तर सञ्चालन गर्दै आएको छ । प्रत्येक शुक्रबार बिहान ७ देखि ९ बजेसम्म माहानगरका १९ वटै वडामा जनप्रतिनिधि, कर्मचारी, राजनैतिक दल, प्रहरी, समाजसेवी लगाएत विभिन्न संघसंस्थाहरुको सहभागितामा डेङगु ‘खोज र नष्ट गर’ अभियान सुरु गरिएको छ ।