_1693980289.gif "#")
धरान /धरानमा डेंग संक्रमण नियन्त्रण भन्दा बाहिर गएको छ ।
धरान उपमहानगरपालिका अन्तर्गतको स्वास्थ्य महाशाखाका अनुसार धरानमा हालसम्म ३ हअजार ६ सय २५ जनाको डेंगुको परीक्षण गर्दा २ हजार १ सय ६२ जनामा संक्रमण फेला परेको हो ।
अहिले डेंगुको लार्भा नष्ट गर्ने, चेकजाँच गर्ने लगायतका कामलाई राजनीतिक दल तथा स्थानीय सरकारले गर्दै आएको छ ।
पछिल्लो समय नेपाली काँग्रेस ३ नं. बुथ समितिले डेंगुका लार्भा नष्ट गर्नेदेखि लिएर डेंगुका विरामीहरुलाई सिटामोल, जीवनजल लगायतका औषधिहरु निःशुल्क रुपमा वितरण गर्दै आएको छ ।
घरैपिच्छे डेंगुका संक्रमण छ । औषधि लिन जानसम्म सक्ने अवस्था भएका विरामीहरु छन् ।
यस्तो अवस्था भएकाहरुलाई घरघरमै पुगेर औषधि वितरण गरिएको नेपाली काँग्रेस वडा ३ न. बुथ समितिका सभापति उमेश श्रेष्ठले बताए ।
विपन्न तथा औषधि किन्न समेत नसकेका डेंगुका संक्रमण विरामीहरुलाईे घरघरमै पुगेर औषधि वितरण गरिएको नेपाली काँग्रेसकी क्षेत्रीय प्रतिनिधि शोभा बराइलीले बताइन् ।
३ नं वडा समितिकी सदस्य समेत रहनु भएकी बराइलीले सचेतनाको अभावका कारण डेंगुका विरामी बढ्दै गएको पाइएको जानकारी दिइन् ।
घरमा पानी जम्मा गरेर राख्दा डेंगुको संक्रमण बढी हुन्छ भन्ने थाहा हुदाहुदै पनि स्थानीयहरुले अहिले पनि पानी जोहो गर्ने गरेको पाइएको छ ।
धारामा पर्याप्त पानी नआउने भएकैले पानी जोहो गर्नुपर्ने बाध्यता भएको स्थानीयहरुले बताएका थिए ।
