बिराटनगर / झापा र मोरङको छुट्टा छुट्टै स्थानबाट प्रतिबन्धित लागुऔषध ब्राउन सुगर सहित दुई जना पक्राउ परेका छन । शनिबार साँझ ७ : ३० बजे झापा गाउँपालिका वडा नम्बर ४ बाट प्रहरी चौकी टाघनडुब्बाबाट खटिएका प्रहरी टोलीले भारत देखि नेपाल तर्फ आउदै गरेका साईकलयात्री चेकजाँच गर्दा प्रकाउ परेका हुन ।
पक्राउ पर्नेमा इलाम मङसेबुङ गाउँपालिका वडा नम्बर ९ का ३० बर्षीय युवराज लिम्बु रहेका छन । लिम्बुले साईकलको ह्यन्डल भित्र लुकाई राखेको अवस्थामा २ ग्राम ४ सय ५० मिलिग्राम ब्राउन सुगर बरामद गरेको छ ।
त्यस्तै गरी बिराटनगर महानरपालिका वडा नम्बर १६ बाट लागुऔषध नियन्त्रण ब्युरो बिराटनगरबाट खटिएका प्रहरी टोलीले चेक जाँचको क्रममा प्रदेश १– ०२–०५२ प ७५९६ नम्बरको मोटरसाईकल चालक बेलबारी वडा नम्बर ४ का ३३ बर्षीय सनम गुरुङले लुकाएर ल्याउदै गरेको ९ सय १० मिलिग्राम ब्राउन सुगर सहित पक्राउ गरेको हो । लागुऔषध सहित पक्राउ परेका दुवैलाई सम्बन्धित प्रहरी कार्यालयबाट थप अनुसन्धान भईरहेको छ ।