संखुवासभा/ गत असारमा संखुवासभामा बाढी पहिरोबाट मृत्यु भएका तथा पहिरोमा परेका बेपत्ता भएका परिवारलाई संखुवासभा घर भई कतारमा काम गदैै आएकाहरुले ५ घर परिवारलाई आर्थिक सहयोग गरेको छ ।
संखुवासभा समाज कतार गठन गरेर विगतदेखि नै पीडितलाई सहयोग पुर्याउदै आएका उनीहरुले गत असार २ गते राति आएको बाढीबाट मृत्यु भएका तथा बेपत्ता भएका ५ परिवारलाई सहयोग गरेका हुन् ।
उनीहरुले पीडित ५ परिवारलाई नगद २ लाख १५ हजार रुपैयाँ संखुवासभा समाज कतारका सचिव अशोक न्यौपानेले लगायतको टोलीले हस्तान्तरण गरेका थिए । त्यसबेला बाढीमा बेपत्ता तथा मृत्यु भएका पाँचखपनका दीपक मगर,
सन्तोष राई, सुहाङ राई, भुवानसिंह तामाङ र चैनपुर नगरपालिका–४ का ज्ञानबहादुर लिम्बुका आफन्तलाई प्रतिपरिवार ४३ हजार रुपैयाँका दरले वितरण गरिएको संखुवासभा समाज कतारका सचिव न्यौपानेले बताए । उनले मानवीय संवेदनलाई ख्यालमा राखेर सहयोग पुर्याएको बताए ।
बाढीमा परेर अझै पनि १८ जना बेपत्ता छन् । चैनपुर नगरपालिका–४ र पाँचखपन नगरपालिका–९ हेवाखोलामा गएको बाढी पहिरोका कारण बाढी पहिरोबाट १९ घरपरिवार विस्थापित भएका थिए ।
यस्तै बाढीपहिरोका कारण जिल्लाका ८ वटा हाइड्रोपावरमा क्षति पुगेको छ । बाढीले दुईवटा पक्की पुल बगाएको छ । बाढी भौतिक संरचना बगाउँदा करोडौँको क्षति भएको छ ।