_1693980289.gif "#")
काठमाडौं / प्रतिनिधि सभा सदस्य डा.सुनिल शर्माले सुन तस्करी प्रकरणका संम्लग्न रहेका मुख्य नाइकेलाई पक्राउ नगरिए सदनमै आमरण अनशन बस्ने घोषणा गरेका छन् ।
बुधबार बसेको प्रतिनिधि सभाको बैठकमा बोल्दै सांसद शर्माले यस्तो जिकिर गरेका हुन् । सुन तस्करीका मुख्य नाइके पक्राउ गर्नका लागि सात दिनसम्मको समय दिने सो समय सम्म पनि नाइके पक्राउ नगरीएको खण्डमा सुन ओसार्ने भरियालाई मात्र थुन्ने काम भएमा आफू सदनमै अनशनमा बस्ने उनले घोषणा गरेका छन ।
‘यदि समय लिने हो भने ७ दिनभित्र सुन तस्करीका संलग्न मुख्य नाइके पक्राउ गछौँ भनेर भन्नुपर्यो, यदि यो विषयलाई घुमाएर समान्य ढंगले हेरियो र भरियालाई मात्र थुनेर नाइके पक्राउ गरिएन भने म सदनमै आमरण अनशन बस्ने घोषणा गर्छु,’ सांसद शर्माले भने ।
यो बिषय पक्ष अर्थात विपक्ष विचको सवाल नभई आम नेपाली नागरिकहरुको सवाल भएकाले आफू जनताको सवालमा अनशन बस्ने उनको बताए । गत चैत १७ गते अर्थमन्त्रीले सपथ खानु, बैशाख २० गते अर्थसचिव परिवर्तन हुनु, जेठ १७ गते भन्सारको चिफ फेरिनु साथै तुरुनत साउन ५ गते सुन भित्रिनुमा भित्री केहि सम्बन्ध रहेको उनले आशंका व्यक्त गरेका छन ।
नेपालि कांग्रेसबाट निर्वाचित भएका सांसद शर्माले आफ्नै पार्टीका अर्थमन्त्री डा.प्रकाशशरण महत र गृहमन्त्री नारायणकाजी श्रेष्ठको राजीनामा पनि मागेका छन् । एक क्विन्टल सुन तस्करी प्रकरणका जोडिएका नाइके पक्राउ गर्न नसकेकाले उनीहरूले नैतिकताका आधारमा राजीनामा दिनुपर्ने शर्माले बताए ।
देश तथा विदेशका धेरै व्यक्तिले नैतिकताका आधारमा राजीनामा दिएको उदाहरण सुनाउदै उनले यहाँ पनि गृहमन्त्री र अर्थमन्त्रीले राजीनामा दिनुपर्ने उनको भनाई छ । मोरङको क्षेत्र नं.३ बाट निर्वाचित शर्मा सरकारी तलब भत्ता नलिने एकमात्र सांसद हुन् । पार्टीगत स्वार्थ भन्दा माथि उठेर अभिव्यक्ति दिदै आएका सांसद शर्मा जनपक्षीय सवालहरूमा कडाईका साथ उत्रँदै आएका छन् ।
