ठेक्का एकातिर, पार्किङ शुल्क उठाइन्छ अर्कैतिर

इलाम/  इलाम नगरपालिकाले पार्किङ शुल्कका लागि लगाएको ठेक्का भन्दा बाहिर पार्किङ शुल्क उठाउने गरिएको छ ।

नगरपालिकाले आर्थिक वर्ष २०८०/०८१ का लागि ट्याक्सी स्टेन छेउको मासु पसल पछाडि मोटरसाइकल पार्किङका लागि ठेक्का लगाए पनि ठेक्का पार्ने कम्पनीले अर्के ठाउँमा ठेक्का उठाउने गरेको छ ।

ठेक्का एक ठाउँको लिएर ठेक्का भित्र नपरेको सिट मार्टको अगाडी धमाधम ठेक्का उठाउने गरेको पाइएको हो ।

मासु पसल सँगैको भवनमा भ्याट बाहेक ४४ हजार तीन सय रुपैयाँमा मोटरसाइकल पार्किङ सेवा शुल्कका लागि ठेक्का लगाए पनि धमाधम सिट मार्ट अगाडी पार्किङ उठाइरहेका छन् ।

एक पटक पार्किङ गरेबापत रु १० का दरले ठेक्का नै नलागेका ठाउँमा ठेक्का उठाइरहँदा इलाम नगरपालिका भने देखेको नदेखेझैँ भएर बसेको छ ।

इलाम नगरपालिका राजश्व शाखा प्रमुख सीतादेवी खवासले ठेक्का लागेको मासु पसल पछाडि हो ठेक्का लागे भन्दा अन्यन्त्र पार्किङ शुल्क उठाउने सम्झौता नभएको बताइन । उनले नगरपालिकाले खुलाएको ठाउँ मानै पार्किङ शुल्क उठाउने गरी सम्झौता भएको बताइन ।

इलाम नगरपालिका प्रमुख प्रशासकीय अधिकृत गणेश कुमार खड्काले मासु पसल पछाडिकै भवनका लागि ठेक्का लागेको बताए ।

उनले माथकोलाई व्यवस्थित बनाएर सबै मोटरसाइकल भवनमा नै पार्किङ गर्नका लागि केही मापदण्ड बनाएरै काम गर्ने गरी लागिरेको बताए ।

यता पार्किङ शुल्क उठाउने जिम्मा लिएका एन क्यु निर्माण कम्पनीका मुकेश राई ठेक्का लागेको भवनमा मोटरसाइकल पार्किङका लागि जाने भन्दा यहाँ खाली भएको ठाउँमा मोटरसाइकल पार्किङ गर्नुभएकाले यहाँ उठाएको बताए ।

उनले नगरपालिकासँग त्यहाँ खालि हुँदा हुँदै तल मोटरसाइकल पार्किङमा कोही पनि जाँदैनन् भनेर आफूले यहाँ उठाउन थालेको बताउँछन् ।

इलाम बजारमा अन्य ठाउँमा मोटरसाइकल पार्किङ गर्ने ठाउँ नभएको र अलिकति खुल्ला ठाउँमा त्यो पनि ठेक्का नै नलागेको ठाउँमा पार्किङ शुल्कका नाममा रकम उठाउनुले चौतर्फी आलोचना सुरु भएको छ ।