मधेशी सेवा समाजद्वारा रक्तदान

धरान / मधेशी समुदायको हक हितका लागि संगठित संस्था मधेशी सेवा समाज धरानले बुधबार रक्तदान कार्यक्रमको आयोजना गरेको छ ।

सामाजिक काम सँगै मधेशीहरुको वृत्ति विकासको उद्देश्य बोकेर गठन भएको संस्थाले धरानमा बढ्दै गएको डेंगु संक्रमितका कारण बीपीमा रगतको अभाव हुदै गएको अवस्थामा थोरै भएपनि रगत उपलब्ध गराउने उद्देश्यले रक्तदान कार्यक्रमको आयोजना गरिएको मधेशी समाज धरानका अध्यक्ष महेन्द्रदत्त कायस्थले बताए ।

उनले भने –‘मधेशी सेवा समाज सामाजिक कार्यकै लागि गठन भएको हो, समाजमा केही दिन सकिन्छ भन्ने अभिप्रायले गठन भएकोले हामीले सामाजिक कार्यलाई निरन्तता दिँदै आएका छौ,पछिल्लो समय बीपीमा डेगु संक्रमणका कारण रगतको अभाव भएको सुनेका थियौ,थोरै भएपनि रगतको आपूर्ति गर्न उद्देश्यले नेपाल रेडक्रस सोसाइटी सुनसरीसँग सहकार्य गरेर रक्तदान कार्यक्रमको आयोजना गरेका हौ ।

धरान उपमहानगर १ छाताचौक स्थित पुरानो अस्पताल अगाडि गरिउको क्तदान कार्यक्रममा इलाका प्रहरी कार्यालय धरानका डिएसपी नवराज मल्लले समेत रक्तदान गरेका थिए । कार्यक्रममा धरान वडा नम्बर – १ का वडाध्यक्ष यज्ञमणि आचार्य, धरान १४ का वडाध्यक्ष कृष्ण भट्टराई लगायतको उपस्थिति रहेको थियो ।