बिराटनगर / मोरङ र झापाको छुट्टा छुट्टै स्थानबाट अबैध लागुऔषध सहित ५ जना पक्राउ परेका छन ।
सोमबार करिब पौने १२ बजेको समयमा बिराटनगर महानगरपालिका वडा नम्बर – १६ हुलास चौक नजिकै भारतबाट नेपाल तर्फ आउदै गरेका पैदल यात्री झापाको कमल गाउँपालिका वडा नम्बर – ६ घर भएका बिवेक ग्वालीलाई शंक्स्पद अवस्थामा फेला पारी चेकँजाच गर्ने क्रमा उनको साथबाट फेनारागन, एभिल, लुपिजेशि र डाइजोपाम गरी २६ एम्पुल लागुऔषधी फेलापारी नियन्त्रणमा लिएको छ ।
यसैगरी सोमबार राति १० बजे ईलाका प्रहरी कार्यालय पथरीबाट खटिएको प्रहरी टोलीले मोरङको पथरीशनिश्चरे नगरपालिका वडा नम्बर – १ रत्नचोक बाट स्थानीय २१ बर्षीय शैलेस गुरुङलाई चेकजाँचको क्रमा निजको साथबाट १ ग्राम १ सय मिलिग्राम ब्राउनसुगर बरामद गरेको थियो ।
साथै लागुऔषध नियन्त्रण ब्युरो काकरभिट्टाबाट बिशेष सुचनाको आधारमा खटिएका प्रहरी टोलीले झापाको बिर्तामोड नगरपालिकावडा नम्बर–४ भद्रपुर सडकखण्ड बाट १ ग्राम १ सय मिलिग्राम लागुऔषध ब्राउन सुगर सहित स्थानीय निवासी १९ बर्षीय प्रियान्स साह २५ बर्षीय रबी चौधरी र २४ बर्षीय विशाल बि.क. लाई ब्राउन सुगर सहित नियन्त्रणमा लिएको छ। पक्राउ परेका उनिहरुलाई सम्बन्धित प्रहरी कार्यालयबाट आवश्यक कानूनी कारबाही प्रकृया अगाडी बढाएको प्रहरीले जनाएको छ ।
