स्रोत नखुलेको रकम सहित दुइजना भारतीय पक्राउ

सुनसरी /  सुनसरीको कोशी गाउँपालिकाबाट सशस्त्र प्रहरिले नगद सहित दुई जना भारतीय नागरिकलाइ पक्राउ गरेको छ ।

कोशी गाँउपालिकाको वडा नं. ८ बाट स्रोत नखुलेको रकम सहित दुईजना पक्राउ परेका हो ।

सीमा सुरक्षा गुल्म हरिपुरबाट खटिएको चेकप्वाइन्ट टोलीले भारतबाट नेपाल पैदल आउँदै गरेका भारत बिहार राज्य जिल्ला दरभङ्गा ग्रामपञ्चायत वडा नं १ का ३१ बर्से अमलजित मुखिया र सोही ठाउँका १८ बर्से अमितकुमार पक्राउ परेका हुन्।

दुवैलाई शंका लागि जाँच गर्ने क्रममा अवैध रूपमा स्रोत नखुलेको दुई लाख २५ हजार ७ सय ७५ भारतीय रूपैयाँसहित नियन्त्रणमा लिएर राजस्व अनुसन्धान कार्यालय इटहरीमा जिम्मा लगाइएको छ।