नागरिकता बिहिन मोरङका निरज कुमार कामतले गरे आत्मदाहको प्रयास

विराटनगर / नागरिकता विधेयकविरूद्ध परेको रिटमाथि सर्बोच्चमा मंगलबार सुनुवाइ तोकिएको भएपनि हेर्न नभ्याइने भएपछि मोरङ्का एक युवकले आत्मदाहको प्रयास गरेका छन् ।

नागरिकताविहीन मोरङका निरज कुमार कामतले काठमाडौंको माइतिघर मण्डलामा आफैँलाई पेट्रोल खन्याएर आत्मदाहको प्रयास गरेको काठमाडौ जिल्ला प्रहरी परिसरका प्रवक्ता एसपी सीताराम रिजालले बताए ।

आत्मदाहको प्रयास गर्दैगर्दा प्रहरीले कामतलाई उद्धार गरेको थियो । उद्धारपछि कामतलाई उपचारका लागि ट्रमा सेन्टरमा लगिएको थियो ।

राष्ट्रपति रामचन्द्र पौडेलले नागरिकता विधेयक प्रमाणीकरण गरेपछि परेको रिटमा सर्वोच्च अदालतले तत्काल कार्यान्वयन नगर्न नगराउन अन्तरिम आदेश जारी गरेको छ । सर्बोच्चको आदेशपछि नागरिकताविहीन संघर्ष समितिले माइतीघरमा आन्दोलन गर्दै आइरहेको छ ।