तस्विरः विकास चाम्लिङ राई
धरान/ मेघा हिमालयन कलेजको आयोजनामा आयोजित दोस्रो धरान मेघा रेवाहाङ मेमोरियल अन्तर स्कुल बास्केटवल प्रतियोगिताको दोस्रो दिन प्रभात स्कुल, डिपो स्कुल, धरान उच्च र सियोन स्कुल विजयी भएका छन ।
मंगलवार भएको खेलमा प्रभात स्कुलले हिमशिखर तरहरालाई ३३–२९, डिपोस्कुलले आयोजक धरान मेघालाई ३९–३४, धरान उच्च विले विष्णु स्कुललाई ३१–२०, सियोन स्कुलले आर्दश म्यानेजमेन्ट स्कुल विर्तामोडलाई २७–१९ र धरान उच्च एले युएन नवदयलाई ५७–१९ अंकको अन्तरले पराजित गर्दै क्वाफाइनल प्रवेश गरेका हुन ।
आफ्नो टिमलाई जित दिलाउनका लागि पहिलो खेलमा प्रभात स्कुलका लियोन राईले व्यक्तिगत १५ अंक, दोस्रो खेलमा डिपोका रुपक श्रेष्ठले १८, तेस्रो खेलमा धरान उच्च विका प्रमिस रानाले १३, चौथो खेलमा सयोन स्कुलका सम्योग राईले ९ र उच्च ए का पियुस तामाङले १७ अंक जोडेका थिए ।
भोलिको खेल वुधवार धरान आर्दश र वाल संसार धनकुटा, डिपो स्कुल र धरान उच्च ए, होलिल्याण्ड र सियोन स्कुल र प्रभात स्कुल र धरान उच्च वि टिम विच क्वाटर फाइनल खेल हुनेछ ।
भाद्र २५ देखि ३० गते सम्म संपन्न हुने प्रतियोगिता उदयमान बास्केटवल खेलाडि रहेका दिवंगत रेवाहाङ राईको स्मृतिमा उनको परिवार, धरान मेघा कलेज र धरान बास्केटवल संघको सहकार्यमा आयोजना भएको हो ।
प्रतियोगिताको सम्पुर्ण खेल धरान मेघा कलेजको बास्केटवल कोर्टमा हुनेछ ।
प्रतियोगितामा प्राविधिक सहयोग सुनसरी बास्केटवल संघको रहेको छ ।
