_1693980289.gif "#")
सुनसरी/ राष्ट्रिय युवा संघ नेपालको प्रथम कोशी प्रदेश अधिवेशन धरानमा सुरु भएको छ ।
प्रमुख अतिथि नेकपा एमालेका उपाध्यक्ष तथा संसदीय दलका उपनेता, संविधान सभाध्यक्ष सुबास नेम्बाङले बिरुवामा पानी हालेर उद्घाटन गरेका छन् ।
उद्घाटन सत्रमा युवा संघ पूर्व अध्यक्ष तथा पूर्व मन्त्री तथा युवा सङ्गठन इन्चार्ज महेश बस्नेत, एमालेका स्थायी कमिटी सदस्य तथा पूर्व मन्त्री भानुभक्त ढकाल,
केन्द्रीय सदस्य यज्ञराज सुनुवार, कोशी प्रदेशका पूर्व मुख्यमन्त्री शेरधन राई, कोशी प्रदेश एमाले प्रमुख सचेतक रेवतीरमण भण्डारी, प्रदेश सभा सदस्यहरुलगायतको उपस्थिति छ ।
सुरक्षाका दृष्टिले पछिल्लो समय संवेदनशील रहेको धरानमा अधिवेशन लक्षित नेपाल प्रहरीले अधिकृत तहकासहित ३ सय ६४ जना प्रहरी खटाएको छ । सशस्त्र प्रहरीले २ सय ५० बढी सुरक्षाकर्मी परिचालन गरेको छ ।
