_1693980289.gif "#")
काठमाडौं / सत्ता साझेदार दल जनता समाजवादी पार्टीका अध्यक्ष उपेन्द्र यादवले सांसद डा.सुनिल शर्मालाई पक्राउ गरेर सरकारले गल्ति गरेको बताएका छन् । एक अन्तर्वार्तामा बोल्दै अध्यक्ष यादवले सांसद शर्मालाई पक्राउ गर्नु गलत काम भएको टिप्पणी गरेका छन ।
सुनिल शर्मा जस्तो प्रतिष्ठित मान्छेलाई हचुवाको भरमा पक्राउ गरेर थुन्नु सरकारले गलत हर्कत गरेको बताए । शर्माले आइएसी र एमबीबीएस सकेर कलेज चलाए, सांसद भए, त्यत्रो एकेडेमिका प्रतिष्ठित मान्छेलाई कुनै कसुर विना प्रकाउ गर्ने थुने अनि छोड्ने यो त गलत हो नि,’ अध्यक्ष यादवले भने, ‘यस्ता गलत काम कसरी भइरहेका छन्, कसैलाई क्षणिक रुपमा हिरो बन्नका लागि मुलुकलाई अनिष्ट तर्फ धकेल्न खोजेको त हैन भन्ने विश्लेषण भइरहेको छ अहिले ।’
आफूले अपराधीलाई प्रोत्साहन नगर्ने दावी गर्दै उनले सुनिल शर्मालाई अपराधी हो भनेर कसैले प्रमाणित गर्न सक्छ भन्दै प्रतिप्रश्न समेत गरे । शर्मालाई पक्राउ गर्नु गलत भएको निष्कर्ष निकाले अदालतले समेत उनलाई थुनामुक्त गर्न आदेश दिएको भन्दै अध्यक्ष यादवले सरकारले यस्तो गलत काम गर्नु नहुने बताए ।
सरकारको गलत हर्कतले गर्दा सत्ता साझेदार दलहरू भित्र असन्तुष्टि बढदै गएको भन्दै अध्यक्ष यादवले सरकारले गलत कामहरूलाई रोक्न नसके मुलुकमा अनिष्ट हुनेसक्ने संकेत पनि गरेका छन् ।
