राजस्व तथा लेखा सम्बन्धी दुई दिने तालिम सुरु

विराटनगर / विराटनगर महानगरपालिकाको आयोजनामा स्थानीय तह संचित कोष व्यवस्थापनमा राजस्व तथा लेखा व्यवस्थापन सम्बन्धी दुई दिने तालिम सुरु भएको छ ।

सो तालिमको उद्घाटन महानगरपालिकाकी उपमेयर शिल्पा निराला कार्कीले गरेकी छन । उक्त कार्यक्रमको उद्घाटनमा बोल्दै उपमेयर कार्कीले लेखा प्रणाली लाई चुस्तदुरुस्त बनाउन यो तालिमल निकै उपयूक्त रहने बताईन ।

त्यस्तैगरि महानगरका प्रमुख प्रशासकीय अधिकृत राजेन्द्र पराजुलीले महालेखा नियन्त्रक कार्यालयले राजस्व संकलन अब नेपाल सरकारको पोर्टलबाट गर्ने भएकाले पनि उक्त काम कसरी गर्ने भनेर समेत तालिमले व्यवहारिक र सैद्धान्तिक जानकारी गराउने बताए ।

उद्घाटन समारोहमा महानगरका सामान्य प्रशासन महाशाखा प्रमुख अर्जुन थपलिया, आर्थिक प्रशासन महाशाखा प्रमुख संजीव भट्टराई, राजस्व महाशाखा प्रमुख सरोज गौतम लगायतले तालिमको उद्देश्य र महत्वकाे बारेमा जानकारी गराएका थिए ।

तालिममा लेखा अधिकृत पुष्कर पौडेल, त्रिभुवन खनाल र उदय शर्माले सहजीकरण गर्ने राजस्व महाशाखा प्रमुख गौतमले बताए । आइतबार सम्म सञ्चालन हुने तालिममा राजस्व र लेखा शाखाका कर्मचारी सहित १९ वटै वडाका राजस्व संकलन गर्ने ४५ जना कर्मचारीहरुले सहभागिता जनाएका छन ।