दोस्रो धरान मेगा रेवाहाङ मेमोरियल बास्केटबल प्रतियोगिता भदौ २५ देखि

विजयपुर / धरान मेघा रेवाहाङ मेमोरियल बास्केटबल प्रतियोगिताको दोस्रो संस्करण यहि भदौ २५ गते बाट सुचारु हुने भएको छ । प्रतियोगितामा धरान र धरान बाहिरका १२ वटा विद्यालयका टिमले सहभागिता जनाउने आयोजकले बिहीबार पत्रकार सम्मेलन गरि जानकारी गराइएको छ ।

प्रतियोगितामा कक्षा १२ सम्म अध्ययन गरिरहेका विधार्थी खेलाडीहरुले सहभागिता जनाउन पाउने छन् । यु १८ भनिए पनि १९ वर्ष पुरा नभएका विधार्थीहरुले खेलमा सभागिता जनाउन पाउने छैन । सो प्रतियोगिताको एक टिममा १० कक्षा सम्मका ६ जना र ११ र १२ कक्षाका ६ जना खेलाडीहरुले सहभागिता जनाउन पाउने छन । साथै कक्षा १० सम्मका खेलाडिहरुको हकमा भने १२ जनाको  टिमले नै सहभागिता जनाउन पाउने छन ।

उक्त प्रतियोगिताको विजेताले नगद १० हजार, दोस्रो हुनेले नगद ५ हजार ५ सय र ट्रफी, मेडल र प्रमाणपत्र प्राप्त गर्ने छन् । त्यसैगरि मोस्ट भ्यालुएवल प्लेयरले नगद, ट्रफी र प्रमाणपत्र प्राप्त गर्ने छन् । प्रतियोगितामा उत्कृष्ट स्कोरर, उदयीमान खेलाडीलाई ट्रफी र प्रमाणपत्र प्राप्त गर्नेछन् ।

प्रतियोगिताको फाइन खेलअघि थ्री पोइन्ट कम्पिटिसन हुनेछ । पहिलो चरणमा कम्पिटिसनमा सहभागी खेलाडीले १ मिनट थ्री पोइन्ट सट गर्नेछन् भने फाइनल चरणमा छनोट भएका मध्येबाट एक मिनेटमा बढी पोइन्ट ल्याउने लाई पोइन्ट च्याम्पियन घोषित गरिने छ । थ्री पोइन्ट च्याम्पियनले नगद पुरस्कार,साथै ट्रफी र प्रमाणपत्र प्राप्त गर्नेछन् ।

प्रतियोगिताको आयोजनाका लागि धरान बास्केटवल संघ धरानको व्यावस्थापन संयोजना तथा सुनसरी बास्केटवल संघको सहयोगमा हुने भएको छ । प्रतियोगिताको सम्पुर्ण खेल धरान मेघा कलेजको बास्केटबल कोर्टमा सम्पन्न हुनेछ ।

धरानका उदयमान बास्केटबल खेलाडी रहेका दिवंगत रेवाहाङ राईको स्मृतिमा सुरुवात गरिएको थियो। धरान १८ निवासी रेवाहाङ राईको १६ वर्षको उमेरमा २०७७ माघ २० गते निधन भएको थियो । दश कक्षामा अध्यन गरिरहेका रेवाहाङ राईको असामयिक निधनपछि उनको स्मृति र सम्मानमा अभिभावकले धरान मेघा हिमालयन कलेज र धरान बास्केटबल संघको सहकार्यमा गत वर्षदेखि अक्षयकोष स्थापना गरी प्रतियोगिता आयोजनाको सुरुवात गरिएको थियो ।

अक्षयकोष दुई लाख रुपैयाँको अक्षयकोष रहेको धरान मेघा हिमालयन कलेजका अध्यक्ष कैलाश लिम्बूले बताएका छन । पत्रकार समेलनमा सुनसरी बास्केटबल संघका अध्यक्ष नारायण सुबेदी, नेपाल पत्रकार महासंघ, सुनसरीका अध्यक्ष जनकऋषि राइ, रेवाहाङका अभिभावक रेवतिरमन राई, आमा सुजता राई लगायतको उपस्तिथि रहेको थियो ।