झापा / झापाको कमल गाउँपालिका वडा नम्बर – ५ नजिकैको राजमार्गमा कारको ठक्करबाट मोटरसाईकल चालकको मृत्यु भएको छ ।
मंलबार करिब ७ बजेको समयमा BR.11 – AP 4141 नम्वरको कारले बिपरित दिशाबाट आउदै गरेको मे.१ – प ४६४४ नम्वरको मोटरसाईकललाई ठक्कर दिदा दुर्घटना भई घाईते भएका मोटरसाईकल चालक कमल गाउँपालिका वडा नम्बर – ४ निवासी ६७ बर्षीय डोर प्रसाद खनाललाई उपचारको क्रममा लादै गर्दा उनको बाटोमा नै मृत्यु भएको हो ।
ठक्कर दिने कारका चालक बिराटनगरका ३१ बर्षीय रुस्तम उप्रेतिलाई ईलाका प्रहरी कार्यालय दमकले नियन्त्रणमा लिएको छ । उक्त घटना बारे दमक प्रहरी कार्यालयले थप अनुसन्धा भईरहेको छ ।