सवारी दुर्घटना हुदा २ जनाको मृत्यु

मोरङ / मोरङ र उदयपुर गरि दुई स्थानमा सवारी दुर्घटना हुँदा २ जनाको मृत्यु भएको छ । शुक्रबार करिब ३:३० बजेको समयमा मोरङको उर्लाबारी नगरपालिका वडा नम्बर – ३ मा रहेको सोल्टी पुल स्थित पश्चिमबाट पुर्ब तर्फ जादै गरेको मे १ ख २४२३ नम्बरको बसले सोही दिशा तर्फ जाँदै गरेको को – १३ प ६१३० नम्बरको मोटरसाईकलाई पछाडीबाट ठक्कर दिदा भएको दुर्घटनामा  घाईते भएका मोटरसाईकल चालक झापा कमल गाउपालिका वडा नम्बर – १ का ४३ बर्षीय गोपाल प्रसाद पौडेलको उपचारको क्रममा मदन भण्डारी ट्रमा सेन्टर मंगलबारेमा मृत्यु भएको थियो ।

त्यसैगरी उदयपुरको चौदण्डिगढी नगरपालिका वडा नम्बर –१० मा रहेको स्वर्गिय मदन भण्डारी स्मृती लोकराजमार्गमा शुक्रबार साझँ ५ बजे गाईघाटबाट बेल्टारतर्फ आउदै गरेको ना.६ त ६६१८ नम्बरको ट्याक्टर अनियन्त्रित भई दुर्घटना हुँदा ट्याक्टरमा सवार रहेका धनुषा जिल्लाको मिथिला नगरपालिका वडा नम्बर – ११ का १७ बर्षीय सुरज मगरको उपचारको क्रममा धरानको विपि प्रतिष्ठान घोपामा उपचारको क्रमा मृत्यु भएको जिल्ला प्रहरी कार्यालय उदयपुरले जनाएको छ । घटना सम्बन्धमा थप अनुसन्धान भईरहेको सम्बन्धित प्रहरी कार्यालयहरुले जनाएको छ ।