धरान । धरानका विभिन्न सामाजिक कार्यको सहयोगार्थ धरानमा कोरा साइक्लिङ च्यालेन्ज हुने भएको छ ।
कोरा धरान २०२३ कमिटीको आयोजनामा धरान आसपासका क्षेत्रहरुमा ३८ किलोमिटर साइक्लिङ हुने आज पत्रकार सम्मेलन गरि जानकारी दिएको छ ।
विगत ६ वर्ष देखि कोरा साइक्लिङ च्यालेन्ज गर्दै विभिन्न सामाजिक कार्यमा सक्रिय रहेको कोरा धरानले यस वर्षको मुल नारा ज्येष्ठ नागरिकका लागि साईकल यात्रा रहेको छ ।
जुलाई १५ शनिबार मनाइने साइकल डे को अवसरमा धरानमा हुने कोरा साइक्लिङ च्यालेन्जमा बिराटचौंक, सुन्दर हरैचा, इटहरी, तरहरा, विराटनगर, काठमाण्डौं लगायतबाट करिब २ सय जना साइक्लिस्टहरुको उपस्थिती रहने कार्यक्रम संयोजक विनयलाल श्रेष्ठले बताए ।
धरान १८ स्थित बौद्ध गुम्बाबाट शुरु हुने साइकल यात्राका धरानका विभिन्न धार्मिक स्थल परिक्रमा गर्दै ३८ किलोमिटर पार गरिनेछ । फारम दर्ता शुल्य १ सय रुपैया राखिएको साइक्लिङ च्यालेन्जमा इच्छा अनुसार डोनेसन उठाएर वृद्धवृद्धा आश्रममा आवश्यक सहयोग गर्ने श्रेष्ठले बताए ।