धरान । धरान–१४ का सुरेन्द्र घिमिरेले स्वर्गीय बुवा कमलापति घिमिरेको नाममा बि.पि. प्रतिष्ठानका क्यान्सरका बिरामीहरुका लागि ५० हजार रुपैया बराबरको २ वटा ह्वील चियर र औषधि सहयोग गरेका छन ।
सोमबार बी. पी. कोइराला स्वास्थ्य बिज्ञान प्रतिष्ठानको ओन्कोलोजी बिभाग क्यान्सर रोग बिशेषज्ञ डा.सोनिया दुलाललाई उक्त सामग्री हस्ताम्तरण गरेका हुन् ।
घिमिरेका बुवा कमलापतिको गत ज्येष्ठ २४ गते ७२ बर्षको उमेरमा प्रतिष्ठानमा उपचारका क्रममा निधन भएको थियो । घिमिरेका पिता समेत क्यान्सर रोगबाट मृत्युवरण गरेका थिए ।
पिताको उपचारका क्रममो व्हील चियरको अभाव र अन्य बिरामीका आफन्तले औषधि किन्न नसक्ने अवस्था समेत रहेको पाइएकोले पिताको जस्तो अरुले समस्या नभोगुन भन्ने अभिप्रायले सहयोग गरेकोे घिमिरेले बताए । प्रतिष्ठानकी क्यान्सर रोग बिशेषज्ञ डा.दुलालले सहयोगका लागि घिमिरेलाई धन्यवाद दिइन् ।