_1693980289.gif "#")
धरान । कोशी प्रदेशमा ५० जना चालकहरुमा लागुऔषध सेवन चेकजाँच गर्दा १८ जना पोजिटिभ देखिएका छन् ।
प्रदेशका विभिन्न जिल्लाका ५० स्थानमा गरिएको चेकजाँचका क्रममा कोशी प्रदेशमा १८ जनाले लागुपदार्थ सेवन गरेर सवारी साधन चलाउने गरेको भेटिएको छ ।
ट्राफिक सप्ताह अन्तर्गत आइतबार कोशी प्रदेश ट्राफिक प्रहरी कार्यालय इटहरीको आयोजनामा प्रदेश भरीनै अभियान संचालन गरेको छ । अभियान अन्तर्गत बस, टेम्पो र सफारीका चालकको कीट मार्फत जाँच गरिएको थियो । किटको ब्यवस्थापन धरान उपमहानगरपालिकाले गरिदिएको थियो ।
सवारी दुर्घटना न्युनीकरणको लागि लापसे जाँच गर्न थालिएको जिल्ला ट्राफिक प्रहरी कार्यालय सुनसरीले जनाएको छ । धरानमा भएको कार्यक्रममा उपमेयर आइन्द्र बिक्रम बेघाले सवारी चलाउदा कसैले पनि मापसे र लापसे नगर्न आग्रह गरे ।
मापसे र लापसे गरेर सवारी चालउदा चालकको मात्र नभएर सयौ यात्रुको ज्यान पनि असुरक्षित हुने भएकोले जिम्मेवार हुन उनले आग्रह पनि गरे । साथै, सबैलाई अनुशासित र मर्यादित भएर काम गरे कानुनसँग डराउनु नपर्ने पनि उनको भनाई थियो ।
