कृषकलाई मिनिटिलर वितरण

धनकुटा/  स्थानीय तहहरुले कृषिमा आश्रित परिवारलाई प्राथमिकतामा राखेर काम गर्ने गरेका छन् ।

धनकुटा कृषिको उर्भर भूमि मानिन्छ । यसलाई मध्यनजर सहिदभूमि गाउँपालिका धनकुटाले कृषकलाई मिनिटिलर वितरण गरेको छ ।

गाउँपालिका भित्रका विभिन्न कृषि समुह, कृषि फर्म र कृषि सहकारीमा आवद्व कृषकलाई १३ थान मिनिटिलर वितरण गरेको कृषि शाखा प्रमुख दिनेन्द्र राइले जानकारी दिए ।

उनले भने–‘कृषिमा आधुनिकरणको खाँचो छ, परम्परागत कृषि प्रणालीबाट माथि उठाउन पनि गाउँपालिकाले मिनिलिटर प्रदान गरेको हो ।

पालिकाको कृषि यान्त्रिकीकरण तर्फ ५० प्रतिशत अनुदान कार्यक्रम मार्फत ९ लाख ७५ हजारको मिनिटिलर वितरण गरिएको उनले बताए ।

कृषि पेषालाई सहज र व्यवस्थित बनाउदै प्रविधिमैत्री बनाएर यान्त्रिकरण सहितको व्यवसायिकतासँग जोड्न मिनिटिलर लगायतका सामाग्री कृषकलाई वितरण गर्दै आइरहेको उनको भनाई छ ।

धनकुटाको सहीदभूमि गाउँपालिकामा अधिकांश सर्वसाधारण कृषि पेशामा आश्रित छन्, कृषि पेशालाई सहज र व्यवसायिक बनाउनका लागि पनि मिनिटेलर वितरण गरिएको उनको भनाई छ ।