खेलाडीलाई सहयोग गर्न अक्षय कोष स्थापना

धरान । खेलाडीलाई सहयोग गर्नका लागि पूर्व खेलाडीहरुले व्यक्तिगत रुपम अक्षयकोष स्थापना गरिदिएका छन् ।

धरानका पूर्व खेलाडी केन्द्र लिम्बु र धरान फुटबल क्लबका कोच समेत रहेका सागर घिमिरेले संयुक्त रुपमा १ लाख ५० लाखको स्थापना गरिदिएका हुन् ।

अक्षय कोषमा केन्द्र लिम्बुले १ लाख र सागर घिमिरेले ५० हजार जम्मा गरेका हुन् । विशेष गरेर फुटबल खेलाडी खेल्ने क्रममा घाइते भएको अवस्थामा सहयोग गर्ने उद्देश्यले सहयोग पु¥याउन अक्षय कोष स्थापना गरिएको अक्षयकोषका परिकल्पनाकार सागर घिमिरेले बताए ।

धरान १० फुड गार्डेन रेष्टुरेन्टमा आयोजित कार्यक्रममा अखिल नेपाल फुटबल संघ एन्फाका केन्द्रीय मानार्थ उपाध्यक्ष, कोशी प्रदेश फुटबल संघका अध्यक्ष तथा धरान फुटबल क्लबका अध्यक्ष किशोर राईले समेत परिकल्पनाकार लिम्बु र घिमिरेले स्थापना गरेको अक्षय कोषलाई १ लाख दिने प्रतिबद्धता जनाएका थिए ।

सो अवसरमा बोल्दै राष्ट्रिय खेलाडी प्रकाश बुढाथोकीले नेपालमा फुटबल खेलको विकासमा समस्या भएको बताएका थिए । उनले नेपालमा व्यवसायिक फुटबल खेलाडी बन्न कठिन भएको बताए । उनले भने–‘१२ महिनामा ३ महिना फुटबल प्रतियोगिता हुन्छ, बाँकी समय त्यतिकै खेर गइरहेको छ ।

नियमित प्रतियोगिता गरेर व्यवसायिक रुपमा अगाडि बढाउन सकेमात्र खेलाडी बाँच्न सक्ने अवस्था हुने बताए । एन्फा मानार्थ उपाध्यक्ष किशोर राईले खेलमा पनि राजनीतिक हावी भएका कारण खेलको विकास हुन नसकेको बताए । उनले खेलाडी उत्पादनसँगै खेलाडीलाई व्यवसायिक बनाउन सकेमात्र फुटबल खेलको विकास हुने बताए ।

सुनसरी जिल्ला फुटबल संघका अध्यक्ष नविन राईले जिल्लाले धेरै टुर्नामेन्ट गरे पनि खेलाडीहरु सहभागी हुन नआएको भन्दै दुख व्यक्त गरे । स्थापना गरिएको कोषलाई कोशी प्रदेश स्तरीय बनाइने परिकल्पनाकार घिमिरेले बताए ।