विभिन्न क्षेत्रमा योगदान पुर्‍याउने व्यक्तिहरू पुरस्कृत

मोरङ /  विराटनगरका कवि तथा साहित्यकार हरिप्रसाद बरालसहित ५ जनालार्ई कमला–राजबहादुर कुँवर सामाजिक सेवा गुठीले पुरस्कृत गरेको छ ।

सोमबार विराटनगरमा साहित्यसहित विभिन्न क्षेत्रमा योगदान पुर्‍याउने व्यक्तिहरुलाई गुठी पुरस्कृत गरेको हो ।

कमला–राजबहादुर कुँवरको नाममा स्थापित गुठीले ११ हजार राशिको साहित्यतर्फको पुरस्कारबाट साहित्यकार एवं समालोचक बराल पुरस्कृत भएका हुन् ।

२५ हजार राशिको कमला–राजबहादुर कुँवर साहित्य पुरस्कार काठमाडौंका साहित्यकार इन्द्रकुमार श्रेष्ठ ‘सरित’लाई, १५ हजार राशिको शिक्षा पुरस्कारबाट शिक्षासेवी सर्वाणी भट्टाचार्यलाई पुरस्कृत गरिएको छ भने ११ हजार राशिको खेलकुद पुरस्कार क्रमश: विकेन थापा र मेधावी छात्र डा. अनुपम कोइरालालाई प्रदान गरिएको छ ।

कोशी प्रदेशका उद्योग, कृषि तथा सहकारीमन्त्री भक्तिप्रसाद सिटौला, आयोजक संस्थाका अध्यक्ष दिङ्लाली कान्छोलगायतले उनीहरुलाई दोसल्ला ओढाएर सम्मानपत्र प्रदान गरेका थिए ।