क्यान्सर रोग सम्बन्धी सचेतना कार्यक्रम सम्पन्न

मोरङ/  नेपाल अर्बुद रोग बिजेता समाजको आयोजना तथा कोशी प्रदेश प्रहरी श्रीमती संघको सहकार्यमा १ दिने पाठेघर तथा स्तन क्यान्सर रोग सम्बन्धी सचेतना कार्यक्रम सम्पन्न भएको छ ।
कोशी प्रदेश प्रहरी श्रीमती संघकी कोषाध्यक्ष श्रीमती सिर्जना नेपाल दाहालको प्रमुख आतिथ्यतमा प्रदेश प्रहरी कार्यालय बिराटनगरको सभाहलमा सम्पन्न भएको कार्यक्रममा बिशेष गरी महिला प्रहरी तथा प्रहरी परिवारका सदस्यहरु र कोशी प्रदेश प्रहरी श्रीमती संघका पदाधिकारीहरुका र अन्य प्रहरी गरी १५० जनाको उपस्थिति रहेको थियो ।

कार्यक्रममा नेपाल क्यान्सर सरभाईबर सोसाईटीको अध्यक्ष प्रतिमा खनाल, बिराट मेडिकल कलेज टिचिङ हस्पिटलका डा. अस्मिता रायमाझी, बिराट मेडिकल कलेज टिचिङ हस्पिटलका डा. ज्योती ओझा र नेपाल क्यान्सर सरभाईबर सोसाईटीको बोर्ड सदस्य पुजा कुवँरले आ–आफ्नो अनुभव सहित प्रशिक्षण दिएका थिए ।

कार्यक्रममा कोशी प्रदेश प्रहरी श्रीमती संघको तर्फबाट नेपाल अर्बुद रोग बिजेता समाजलाई सहयोग स्वरुप नगद दश हजार प्रदान श्रीमति संघकी कोषाध्यक्ष सिजना नेपाल दाहालले प्रदान गरेकी थिइन् ।