धरान / राजधानीस्थित भारतीय राजदुतावासबा रक्षा सहचरी कर्णेल अमितकुमार शर्माले वीर नारी पदक प्राप्त गर्ने भूपू सैनिकहरुको सूचीबोर्ड उद्घाटन गरेका छन् ।
रक्षा सहचरी शर्माले गत बिहीबार धरानस्थित पेन्सन वितरण कार्यालयमा सूचीबोर्ड उद्घाटनसँगै ह्वियलचियर, राष्ट्रपति प्रमाणपत्र, वाकिङ एड लगायत वीर नारीहरुलाई सम्मान गरेका थिए ।
युद्धका क्रममा बैरीहरुलाई परास्त गर्ने वीर सैनिकहरुको पहिलो पटक पेन्सन वितरण कार्यालय धरानले कार्यालय हाताभित्र सूची बोर्ड तयार गरेको छ । सो कोे शर्माले औपचारिक रुपमा समुद्घाटन गरेका हुन् । सो अवसरमा उनले सूचीबोर्डमा परेका वीर सैनिकहरुलाई दोसल्ला ओढाएर सम्मान गरेका थिए ।
सूचीबोर्डमा परेका किर्तिचक्र विजेता सुवेदार जगतबहादुर घले, वीर चक्र विजेता तिलबहादुर राई, धनबहादुर राई, सूर्य चक्र विजेता ज्ञानबहादुर लिम्बुकी श्रीमती तेजकुमारी लिम्बु, सोरमान राई, कर्णबहादुर राईलाई सम्मान गरिएका थियो । यसैगरी चारजना अशक्त भूपू तथा तिनका आश्रित परिवारलाई ह्विल चियर र वाकिङ एड प्रदान गरिएको थियो ।
यसैगरी राष्ट्रपति प्रमाणपत्र प्राप्त गर्नेहरु सुवेदार धनबहादुर तामाङ, सुवेदार होनेरी लेफ्टिनेन्ट लालबहादुर राई, सुवेदार गोपालबहादुर ब्लोन, सुवेदार उत्तमसिंह राई, डिएससी नायव सुवेदार अमृतकुमार तामाङ्ग रहेका छन् ।
सोही कार्यक्रमा भारतीय सेनामा कार्यरत सेवा निवृत्त भएका ५ जनालाई रक्षा सहचरी शर्माले फस्ट पेमेन्ट भौचर प्रदान गरेका थिए । यस्तै र्यालीमा सहभागी वीर नारीहरुलाई श्रीमति सारिका शर्माले उपहार सहित उच्च सम्मान गरेकी थिइन् ।