नेपाली समाज सुहाउँदो पार्टीहरु छैनन् : श्रेष्ठ

धरान/  नेपाली समाजलाई सुहाउँदो किसिमको राजनीतिक सिद्धान्त कांग्रेस, कम्युनिष्ट पार्टीमा नभएको जसपा पार्टीका कार्यवाहक अध्यक्ष राजेन्द्र प्रसाद श्रेष्ठले बताएका छन् ।

शनिबार धरानमा लिम्वुवान राष्ट्रिय समितिको पुनर्गठन कार्यक्रममा कार्यवाहक अध्यक्ष श्रेष्ठले पञ्चायतकालमा समेत माटो सुहाउँदो ढुङगा सुहाउँदो भनिने गरे पनि अन्ततः त्यस्तो नभएपछि राणा शासन, पञ्चायत शासन पतन भएको बताए ।

उनले पुराना पार्टीहरुको सैद्धान्तिक अवधारणा पनि यथार्थपरक र वैज्ञानिक नभएको दावी गदैै भने, “कांग्रेस र कम्यिुनिष्ट पार्टीले लिएको सैद्धान्तिक अवधारणामा पनि नेपाली समाज बहुराष्ट्रियतामा र ऐतिहासिक पृष्ठ भूमिकाको आधारमा विभिन्न समुदायमा विभाजित भएर बसेका छन्

ति सबै समुदायलाई समेट्न सकेनन्, त्यसैले हामीले जस्तो समाज उस्तै पार्टी पनि बनाउँ, जस्तो समाज उस्तै राज्य बनाउँ भनेर भन्यौं ।”

त्यही अनुसार जसपा पार्टी गठन भभएको उनको भनाई छ ।
जसपा पार्टीका संगठन विभागका प्रमुख समेत रहेका श्रेष्ठले जसपाले संघिय शासन प्रणाली भएको समाजवादको सैद्धान्तिक अवधारणा ल्याएर पार्टी गठन भएको बताए ।

उनले पार्टीको विधानमा श्रृखंलाबद्ध समिति प्रणाली रहेको बताए ।

केन्द्रको मातहतमा प्रदेश समिति, प्रदेश समितिको मातहतमा राष्ट्रिय समिति, राष्ट्रिय समितिको मातहतमा जिल्ला समिति रहने बताए ।
खगेन्द्र माखिमको अध्यक्षतामा भएको लिम्वुवान राष्ट्रिय समितिको पुर्नगठन कार्यक्रमको बन्दसत्र भने जारी रहेको धरान नगरका अध्यक्ष ताजुप लिम्बुले जानकारी दिए ।