विमल गुरुङ कृति पुरस्कारको लागी २१ कृति छनौट

धरान/  कवि विमल गुरुङ कृति पुरस्कार २०७९ को लागि विभिन्न साहित्यकारहरुका २१ वटा कृति छनौट भएका छन् ।

कवि विमल गुरुङ स्मृति पुस्तकालयले गत शुक्रबार पत्रकार सम्मेलन गर्दै पहिलो चरणमा १ सय १ जना लेखक, साहित्यकारहरुबाट प्राप्त भएको कृतिमध्ये २१ वटा छनौटमा परेको जानकारी दिएको छ ।

कृतिहरु मध्ये पुनः ७ कृति चयन गरिने र त्यसमध्ये एउटा सर्वोत्कृष्ट कृतिलाई २ लाख राशीको पुरस्कार प्रदान गरिने पुस्तकालयका सचिव गणेश तिम्सिनाले जानकारी दिए ।

सर्वोत्कृष्ट कृतिलाई आगामी कार्तिक १९ गते पुस्तकालयको आफ्नै भवनमा आयोजित ५२ औं जन्मजयन्ती तथा ३२ औं राष्ट्रिय कविता महोत्सवमा पुरस्कार प्रदान गरिने सचिव तिम्सिनाले जानकारी दिए ।

यसैगरि, राष्ट्रिय कविता महोत्सवमा प्राप्त ७४ कविताहरु मध्ये उत्कृष्ट १० कविता चयन भएको छ ।

कवि र कविता सार्वजनिक गर्दै पुस्तकालयले कार्तिक १९ गते कविहरुबाट वाचन र पुरस्कार प्रदान गरिनेछ ।

सोही कार्यक्रममा भारत कालेबुङका प्रतिभाशाली युवा कवि विशाल नाल्बोलाई युवा प्रतिभा सम्मान २०८० प्रदान गरिने पुस्तकालयले जनाएको छ ।