दुहवीमा छैठौं श्री गणेश चतुर्थी महोत्सव हुने

दुहबी/  सुनसरीको दुहवीमा छैठौं श्री गणेश चतुर्थी महोत्सव हुने भएको छ ।

दुहवी नगरपालिका वडा नं. ५ स्थित एभरेष्ट बैंक छेउमा श्री गणेश पुजा समिति दुहवीको आयोजनामा यहि असोज २ गते देखि ४ गते सम्म श्री गणेश चतुर्थी महोत्सव हुँने पत्रकार सम्मेलन मार्फत पुजा आयोजक समितिका रंजित गोश्वामीले जानकारी दिएका छन ।

दुहबी नगरपालिका वडा नं. ५ मा विगत वर्ष झै मनाउदै आएको श्री गणेश चतुर्थी महोत्सव यस वर्ष पनि मनाउनका लागी एक महिना अघि देखी श्री गणेश पुजा समिति दुहवीका समितीले तयारीमा जुटेको आयोजित पत्रकार सम्मेलनमा बताएका हुन् ।

गणेश पुजा समितिका संस्थापक राकेश मुन्धडाले असोज २ गते मङलवारका दिन पुजा शुभारम्भ तथा प्रसाद ग्रहण हुँने साथै दुइ दिन सम्म बिहान र बेलुकी पुजा आरती र भजन संध्याको कार्यक्रम रहँने बताए ।

मुन्धडाले महोत्सवमा आकर्षकको रुपमा १ सय १ केजीको लड्डु र भारतको कोलकताकी नेहा सिंह राजपुत साथै बिहार कटिहारका धिरज सिंह राजपुत र नेपालका तिन कलाकार गरी पाच जना ख्याती प्राप्त कलाकारहरुबाट कला प्रस्तुत गर्ने बताए ।

दुहवीमा पाचौं पटक आयोजना हुन गईहरेको महोत्सवमा आयोजकले ५ देखि १० हजार भक्तजनहरु सहभागि हुने अनुमान गरेको छ ।

महोत्सवलाई सफल गराउन महोत्सवलाइ भव्यरुपमा सम्पन्न गर्नका लागि राकेश मुन्दडा, आयुश अग्रवाल, मोनु कुमार साह, रितेश साह, सुरज शाह, अभिषेक शाह, रञ्जित गोस्वामी लगायत करिब १ सय ५० जना युवा स्वयमसेवकहरुले परिचालन गरिएको छ ।

श्री गणेश चतुर्थी महोत्सव असोज ४ गते बिहिवारका दिन दुहवी नगर परिक्रमा गरेर दुहवीको बुढीखोलामा मुर्ती विर्सजन हुने आयोजकले जनाएको छ ।