तरुण दलले धरान १४ का सडकका खाल्डाखुल्डी पुर्‍यो

धरान/ धरानको धार्मिक क्षेत्र धरान १४ विजयपुरमा रहेका सडकका खाल्डाखुल्डी पुर्ने काम भएको छ ।

नेपाली काँग्रेससँग आवद्ध तरुण दल धरान उपमहानगर समतिले १४ नं. वडा समितिको सहयोगमा खाल्डाखुल्डी पुर्ने काम गरेको हो ।

धरान उपमहानगरपालिका वडा नं. १४ विजयपुर धार्मिक पर्यटकीय क्षेत्र हो । यस क्षेत्रमा भएका सडकका खाल्डाखुल्डीका कारण विजयपुर आउने धार्मिक पर्यटकहरुलाई असहज भएको थियो ।

यसैलाई मध्यनजगर गरी नेपाल तरुण दल धरान उपमहानगर समितिको आयोजनमा तथा धरान उपमहानगरपालिका वडा नं. १४ नं. वडा समितिको सहयोगमा विजयपुर क्षेत्रभित्र रहेका सडकका खाल्डाखुल्डी पुर्ने काम गरेको हो ।

यो क्षेत्रमा रहेका पिण्डेश्वर, दन्तकाली, बुढासुब्बा, पञ्चकन्या लगायतका मन्दिरमा दैनिक सैयौ भक्तजन आउदा सडकमा भएका खाल्डाखुल्डीले आवागमनमा समस्या भएपछि उपमहानगरपालिकाको सहयोगमा पुर्ने काम गरिएको तरुण दलका धरान नगर अध्यक्ष.एवम् १४ नं. वडा समितिका सदस्य. रामबहादुर तामाङले बताए ।

पार्टी प्रति नेपाली जनताको वितृष्णा बढिरहेको समयमा यसलाई चिर्न पनि नेपाली काँग्रेसको युवा दस्ता तरुण दल धरान उपमहानगर समितिले सडकका खाल्डाखुल्डी पुर्ने काम गरेको उपाध्यक्ष .विक्रम तामाङले बताए ।

विगतदेखि नै यस यस क्षेत्रमा भएका सडकका खाल्डाखुल्डीका कारण बर्षाद्को समयमा सवारी साधनलाई आवागमनमा समस्या भएको थियो ।

सडकको स्तरोन्नति नभएको अवस्थामा नेपाली काँग्रेसको युवा दस्ता दरुण दल धरान उपमहानगर समितिले गरेको कार्यले मन्दिर दर्शन गर्न आउने धार्मिक पर्यटकलाई सहज भएको छ ।