राजनितिक कारण देश अस्तव्यस्त :डा. कोइराला

धरान/  सरकार बदलिदै गर्दा कानुनहरु पनि बदलिरहने परिपार्टीले राजनितिक हिसाबले देशनै अस्तव्यस्त बनेको नेपाली कांग्रेसका नेता डा. शेखर कोइरालाले बताएका छन् ।

राजनितिक अवश्थाले देश अस्तव्यस्त भइरहँदा जातीय, धार्मिक सदभावले मिलेर बसेको समुदायलाई पनि खल्बलाउने काम भएको उनले बताए ।

आइतबार नेपाली काँग्रेस धरान नगरले आयोजना गरेको ग्रिन एण्ड क्लिन अभियान कार्यक्रमको समापन तथा सम्मान कार्यक्रममा जहिले पनि सरकार अस्थीर बन्दै गएकोले भ्रष्टचार भयावह स्थितीमा रहेको बताए ।

उनले भने, ‘सरकार बदलिरहन्छ, सरकार पिच्छे कानुनहरु बदलिदै जाने भएकाले समस्या देखिने गरेको छ ।’

सरकार अस्थिर बनेकाले विदेशबाट आउने लगानी पनि आउन नसकेको उनको भनाई छ ।

नेपाली कांग्रेसको जिम्मेवारी राजनीतिक स्थिरता, सुशासन र भ्रष्टाचारमूक्त समाज रहेकाले दण्डहीनतामा शून्य सहनशीलता चाहिएको उनको भनाई छ । डा. कोइरालाले यी विषयमा संवेदनशील नभए देश समुन्नत बन्न नसक्ने बताए ।

नेपाली काङग्रेसको स्थापनाकालमा जनता सँग जोडिने कार्यक्रमहरु भए पनि पछिल्लो समय जनताबाट टाढै हुँदै गएको अवश्थामा धरान नगर कमिटीले आयोजना गरेको कार्यक्रमलाई धन्यबाद दिए ।

कांग्रेस नगर कमिटीको ग्रिन एण्ड क्लिन धरान अभियानको आईतबार धरान १९ स्थीत बाजेबोजु चोकमा सम्पन्न भएको छ ।

कार्यक्रम आयोजना प्रनिधिसभा क्षेत्रीय कार्यसमिती क्षेत्र नं.१ सुनसरीले गरेको थियो भने संयोजन नेपाली काङग्रेस वन वातावरण तथा व्यवस्थापन विभाग क्षेत्र नं. १ सुनसरीले गरेको थियो ।

कार्यक्रममा अथिती नगर सभापति श्याम पोखरेल, जिल्ला सभापती केदार भण्डारी, प्रदेश सदस्य अन्जना राई, जिल्ला सदस्य माधव घिसिङ, जिल्ला उपाध्यक्ष गणेश सुब्बा लगायतको उपस्थीति रहेको थियो ।