सिङ्गिङ स्टार सिजन ५ को छनोट चरण सम्पन्न

विराटनगर / संस्थागत विद्यालय बचत तथा ऋण सहकारी संस्था लिमिटेड एस .वि.एस.सि सिङ्गिङ स्टार सिजन ५ को छनोट चरण सम्पन्न भएको छ। छनोट चरण उर्लाबारी, रंगेली, विराटचोक हुँदै अन्तिम अडिसन विराटनगरमा सम्पन्न भएको हो ।

संस्थागत विद्यालय बचत तथा ऋण सहकारी संस्था लिमिटेड एस.वि.एस.सिले २०६९ सालबाट गित संगितलाई व्यवसायिक बनाउन तथा विद्यालय स्तरमा स्थापित गराउँदै समग्र क्षेत्रको विकासका लागि आवाज तपाईको’ ‘ गौरभ राष्ट्रको’ ‘ देन निजी स्कुलहरु’ को भन्ने नाराका साथ सिङ्गिङ स्टारको आयोजना गर्दै आइरहेको छ ।

उक्त सिङ्गिङ स्टार सिजन ५ मा मोरङ जिल्ला भरिका १ सय ६४ जना विद्यार्थीहरुले भाग लिएका थिए भने १ सय १६ जना विद्यार्थीहरु अडिसन राउण्डमा छनोट भएका छन् । मोरङको उर्लाबारिमा ४८ जनाले सहभागिता जनाएका विद्यार्थीहरु मध्ये २६ जना छनोट भएका थिए ।

 

त्यसैगरि रंगेली अडिसनमा ३६ जना सहभागि मध्ये २४ जना, विराटचोक अडिसनमा २६ जना सहभागि मध्ये १७ जना र विराटनगरमा भएको अडिसनमा ५४ जना सहभागि विद्यार्थीहरुमा ४९ जना विद्यार्थीहरु छनोट भएका छन् ।

सिङिगङ स्टार सिजन ५ को उर्लाबारी अडिसनमा प्याव्सनका केन्द्रिय सदस्य केदार खनाल,विराटचोक अडिसनमा कोशी प्रदेश प्याव्सनका उपाध्यक्ष अर्जुन बस्नेत, रंगेली अडिसनमा मोरङ प्याव्सनका उपाध्यक्ष भक्तराज सुब्बा र विराटनगर अडिसनमा मोरङ हिसानका अध्यक्ष प्रेमलाल सिंह सुवाल अतिथीका रुपमा रहेका थिए । दोस्रो अडिसन असोज ३ गते विराटनगरमा हुने आयोजकले बताएको छ ।

एस.वि.एस.सि सिङिगङ स्टार सिजन ५ को छनोट चरण, सेमीफाइनल, लाइभ राउण्ड र फाइनल गरिचार चरणमा सम्पन्न गर्ने संयोजक हिरा थापाले बताएका छन् । त्यसैगरि फाइनल राउण्डमा १० जना विद्यार्थीहरु जाने र विजेताहरुलाई नगद तथा ट्रफिद्वारा सम्मान गरिने संस्थाका अध्यक्ष मोहन बुढाथोकिले बताए । सिङिगङ स्टार सिजन ५ को निर्णायक भुमिकामा सुमन श्रेष्ठ, दिपेन थापा, जेवी थुलुङ र दुर्गा पराजुली रहेका छन् ।