संविधानको धारालाई मिचेर मुख्यमन्त्रीको पक्ष लिएको भन्दै अदालत जाने : हिक्मत कार्की

विराटनगर / कोशि प्रदेश सभाको नियमावली र संविधानका धारालाई छलेर मुख्यमन्त्रीको पक्षमा नियुक्त गरिएको भन्दै नेकपा एमाले कोशी प्रदेश संसदीय दलका नेता तथा पुर्व मुख्यमन्त्रि हिक्मत कार्कीले असंवैधानिक ढंगले विश्वासको मतले संविधानको उल्लंघन भएको बताएका छन ।

प्रेस चौतारी नेपाल कोशी प्रदेश कमिटीको मंगलबार भएको साधारण सभामा बोल्दै नेता कार्कीले त्यसका विरूद्ध आफु अदालत जाने बताएका छन । संसदीय दलले समेत रिट दायर गर्ने निर्णय गरेको हुनाले कार्की आफैं मुद्दा लिएर अदालत जाने उल्लेख गरेका छन । 

पहिचानवादीहरुले आफ्ना माग र मुद्दालाई निरन्तरता दिन राजनीतिक दल बनाएर आउने कुरा सहि भएपनि मुख्य पार्टीका नेताहरुले जातीय द्वन्द्व सिर्जना गर्नु र त्यसलाई उत्साहित गरि सिंहासन जोगाउन नजानिदो गरि खेल खेलिरहेको बताए ।

यस्ता काम के कारण हुदैछ कुन साहासले केन्द्रको उक्साहट भइरहेको छ यस्ता कुरामा सचेत हुनु पर्ने नेता कार्कीले बताए उनले राष्ट्रिय अखण्डता, मुलुकको सार्वभौम सत्ताविरुद्ध कतै लागिरहेको त हैन प्रशन समेत गरेका छन ।