_1693980289.gif "#")
सुनसरी / दाइजो मागेको आरोपमा सुनसरीको दुहबी नगरपालिकाका अनुराग रौनियार पक्राउ परेका छन् ।
काठमाडौंको वडा नम्बर १३ ताहाचल बस्दै आएका रौनियारलाई बेहुली पक्षसँग ५० लाख रुपैयाँ दाइजो मागेको आरोपमा प्रहरीले पक्राउ गरेको हो ।
जिल्ला प्रहरी वृत्त काठमाडौंले जारी गरेको विज्ञप्ति अनुसार बेहुला पक्षले ५० लाख रुपैयाँ दाइजो माग्दै उपलब्ध नगराएको खण्डमा विवाह नै रद्द गर्ने धम्की दिए पछि बिवाहको मन्डपबाटै पक्राउ गरेको छ ।
प्रहरीको अनुसन्धानबाट पटक पटक गरी बेहुली पक्षबाट २२ लाख रुपैयाँ लिइसकेको पनि खुलेको छ । विवाह समारोहमा जन्तीलाई उचित स्वागत नभएको र मागेजति दाइजो नपाएको भन्दै बेहुला पक्षले गाली बेइज्जती गर्दै हातपात समेत गरेपछि प्रहरी वृत्त मालीगाउँले बेहुला रौनियारलाई नियन्त्रणमा लिएको प्रहरीले जनाएको छ ।
आरोपित रौनियार माथि विवाह सम्बन्धी कसूर मुद्दामा काठमाडौं जिल्ला अदालतबाट पाँच दिनको म्याद थप गराई अनुसन्धान गरिरहेको प्रहरीले जनाएको छ ।
