प्रदेश सरकार र पहिचानबादी बिच वार्ता स्थगित

सुनसरी / कोशी नामकरण खारेजीको  पुनः नामकरण संघर्ष समिति पहिचानवादी र कोशी प्रदेश सरकार बिचको वार्ता स्थगन भएको छ

एउटै मिति, स्थान र उही समयमा अर्को पक्षसँग पनि सरकार वार्ता बस्ने भएपछि वातावरण अन्योलपूर्ण भएको भन्दै संघर्ष समितिले वार्ताको वातावरण नभएसम्म वार्तामा नबस्ने जनाएको हो ।

संयुक्त सङ्घर्ष समितिले विज्ञप्ति मार्फत प्रदेश सरकारले वार्ताको वातावरण अन्यौलपूर्ण बनाएको आरोप लगाई वार्ता  स्थगित गरेको हो ।

सरकारसँग वार्तामा नबस्ने बताएसँगै आजको लागि तय भएको वार्ता स्थगित भएको छ ।

 वार्ताको नाममा कोशी सरकारले राजनीति सुरु गरेको किराँत याक्थुङ चुम्लुङका महासचिव निरन्ती तुम्बापो बताउँछिन् । प्रदेश सरकारले नागरिक उन्मुक्ति पार्टीलाई पनि आजै वार्ताका लागि बलाएको थियो ।

कोशी  प्रदेश सरकारका वार्ता  टोलीका  संयोजक  तथा खानेपानी सिञ्चाइ तथा उर्जा  मन्त्री तीलकुमार मेन्याङ्बोले  वार्तामा बोलाएका संघर्ष समितिका कतिपय प्रतिनिधिले नभ्याउने भएपछि वार्ता स्थगित भएको बताए ।

 पहिलो पटक असार ४ गते संयुक्त सङ्घर्ष समिति वार्तामा बसेको थियो । उक्त वार्तामा विषय प्रवेशका बारे ४ घण्टा लामो छलफल भए पनि बिना निष्कर्ष टुङ्गिएको थियो ।