धरान / केही दिन अघि देखिको अविरल वर्षाले पहाडी जिल्लाको क्षेत्रमा आएको बाढी पहिरोले क्षती पुर्याएको पिडितहरुलाइ राहतका धरान उपमहानगरपालिकाले सहयोग रकम प्रदान गर्ने निर्णय गरेको छ ।
आज बसेको धरान उपमहानगरपालिकाको कार्यपालिकाको बैठकले राहत सहयोग गर्ने निर्णय गरेको हो ।
गत हप्ताको शनिबार देखिको अविरल वर्खाले पहाडी जिल्ला ताप्लेजुङ, पाँचथर र संखुवासभाका बाढी पहिरो पिडितलाइ ५ लाख रुपैयाको दरले तीन वटै जिल्लालाइ प्रदान गरिने निर्णय गरेको छ ।
सहयोग रकम जिल्ला दैबिक प्रकोप उद्दार कोषमा जम्मा गर्ने निर्णय गरिएको उपमेयर आइन्द्रबिक्रम बेघाले बताए ।
कोशी प्रदेशमा बाढीपहिरोमा परेर ८ जनाले ज्यान गुमाइ सकेका छन् । कोशी प्रदेश प्रहरी कार्यालयका अनुसार अहिलेसम्म ताप्लेजुङमा ४, पाँचथर २, भोजपुर र संखुवासभामा एक-एक जनाको मृत्यु भएको छ।
ती मध्ये पहिरोले पुरेर मृत्यु हुनेको संख्या ५ छ। हालसम्म ९ जना घाइते भएका छन् भने २८ जना बेपता रहेको प्रहरीले जनाएको छ।
