_1693980289.gif "#")
विराटनगर / कोशी प्रदेशको नामको सट्टामा पर्यटनमन्त्री सुदन किरातीले १ नम्बर प्रदेश लेखे पछि बिबाद भएको छ ।
विनियोजन विधेयकमाथिको छलफलका क्रममा संस्कृति पर्यटन तथा नागरिक उड्ययनमन्त्री किरातीले पुस्तिकामा कोशी प्रदेशको नाम प्रदेश नं। १ लेखे पछि एमालेका सांसदहरुले विरोध जनाएका छन् ।
मन्त्री किरातीले संसद् बैठकमा पेश गरेको पुस्तिकाको पृष्ठ नम्बर ११ देखि १८ सम्म कोशीको साटो १ नम्बर प्रदेश लेखेका छन् ।
एमाले सचेतक महेश बर्तौलाले संविधानसम्मत प्रदेशसभाको दुईतिहाइ बहुमतबाट जुराइएको नामलाई संघीय सरकारकै मन्त्रीले अस्वीकार गरेको भन्दै नियमापत्ति गरेका थिए।
उनले यति गम्भीर विषयमा मन्त्रीले लापरबाही गरेको भन्दै सच्याएर नल्याएसम्म संसद् अघि बढ्न नदिने चेतावनी दिए।
एमालेको नियमापत्तिपछि सभामुख देवराज घिमिरेले ध्यानाकर्षण भएको भन्दै सुदन किरातीलाई बोल्न समय दिएका थिए ।
