सडक पुल बगाउँदा कोशी प्रदेशमा ५० करोडको क्षती

 सुनसरी/  गएरातिको अविरल बर्षाको कारण आएको बाढीले कोशी प्रदेशको सडक र पुल बगाउँदा करिब ५० करोड रकम बराबरको क्षति भएको छ।

बर्खा सङै आएको बाढी पहिरोले ताप्लेजुङ, तेह्रथुम, सङ्खुवासभा, पाँचथर लगायत जिल्लामा जनधनको क्षति भएको भौतिक पूर्वाधार तथा यातायत व्यवस्थामन्त्री प्रकाश ज्वालाले सो विषयका बारेमा सदनलाई जानकारी गराएका थिए।

मन्त्री ज्वालाले भने, ‘ताप्लेजुङको हुवाखोलामा पुल बगाएपछि सो जिल्ला अन्य जिल्लासँगको पहुँच विच्छेद भएको छ। विद्युतसम्पर्क पनि टुटेको छ। अरुण करिडोरमा पाँच सय मिटर सडक क्षति भएको छ ।’

मन्त्री ज्वालाले उद्धार र पीडितको राहत र सहयोगका लागि तीव्ररुपमा काम अघि बढाएको बताए। त्यस क्षेत्रमा, नेपाली सेना, सशस्त्र प्रहरी, नेपाल प्रहरी, सरकारी कर्मचारीहरु खोजी, उद्धार र राहतमा सक्रियताका साथ लागेका छन्।