कानूनी अभिमुखिकरण तथा अन्तरक्रिया कार्यक्रम सम्पन्न

बिराटनगर / कोशी प्रदेश प्रहरी कार्यालय बिराटनगरको आयोजनामा एक दिने कानूनी अभिमुखिकरण छलफल तथा अन्तरक्रिया कार्यक्रम सम्पन्न भएको छ ।

उक्त कार्यक्रमा मुख्य न्यायाधिवक्ताको कार्यालय कोशी प्रदेश बिराटनगरले आफ्नो बार्षिक कार्यक्रम अनुसार प्रदेश प्रहरी प्रशिक्षण कार्यक्रम अन्तर्गत अनुसन्धान तहमा कार्यरत प्रहरी र कर्मचारीहरुको लागि कानूनी अभिमुखिकरण कार्यक्रम संचालन गरेको हो ।
प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाको प्रमुख आतिथ्यतामा उक्त कार्यक्रम संचालन भएको हो ।

एक दिवसीय कानूनी अभिमुखिकरण कार्यक्रममा कोशी प्रदेश प्रहरी कार्यालय तथा झापा, मोरङ र सुनसरी जिल्लाको अपराध अनुसन्धान शाखामा आवध रहेर काम गरिरहेका ३० जना प्रहरी कर्मचारीहरुको उपस्थिति रहेको थियो ।

उक्त तातिमको प्रशिक्षण मुख्य न्यायधिवक्ता घनेन्द्र आचार्य, प्रदेश प्रहरी कार्यालय बिराटनगरका प्रहरी उपरीक्षक ऋषिराम कंडेल, प्रहरी उपरीक्षक नारायण प्रसाद चिमरिया र प्रहरी नायव उपरीक्षक जमुना कुमारी बस्नेतले दिएका थिए ।