ट्रकको ठक्करबाट साईकल यात्रीको मृत्यु

मोरङ / मोरङको बुढिगंगा गाउँपालिका वडा नम्बर ४ कोशी लोकमार्ग स्थित ट्रकको ठक्करबाट एकजना साईकल यात्रीको मृत्यु भएको छ ।

बिहिबार दिउँसो साढे १ बजे ना ४ ख ९५०० नम्बरको ट्रकले ठक्कर दिँदा घाईते भएका स्थानिय साईकल यात्री ६० बर्षीय बिरबहादुर रायको उपचारको क्रममा बिराट नर्सिङ होम बिराटनगरमा मृत्यु भएको हो ।

ठक्कर दिने ट्रक र चालक बिर्तामोड नगरपालिका वडा नम्बर ४ झापाका ३२ बर्षीय भोला तामाङलाई प्रहरीले नियन्त्रणमा लिई घटना सम्बन्धमा थप अनुसन्धान गरिरहेको छ ।